Túrkııada jol-kólik oqıǵasy saldarynan Qazaqstan azamaty qaıtys boldy. Sýyq habar jaıly marqumnyń týystary Facebook paraqshalarynda jazdy, dep habarlaıdy Egemen.kz.
Qaıǵyly oqıǵa 2023 jyly 13 qazanda Túrkııanyń Alanııa qalasynda boldy.
Marqum 38 jasta bolǵan. Polısııa qyzmetkerleri kóz jumǵan áıeldiń jol erejesin buzbaı, durys jerden ótip bara jatqanyn aıtty. Jol apatynyń mán-jaıy anyqtalyp jatyr.
Sondaı-aq tártip saqshylary kólikti jas qyz tizgindegenin, barlyq mán-jaı anyqtalǵanǵa deıin júrgizýshi úıine jiberilgenin aıtty.
Marqumnyń týystary bul is ádil tergeletinine senim bildirdi.
«Túrkııada qansha azamatymyz jol apatynan qaza taýyp jatqanyn eskere otyryp, Syrtqy ister mınıstrligi men Bas prokýratýradan bizdiń isimizdi tergeýdi baqylaýǵa alýyn suraımyz», dep ótinish bildirdi qaıtys bolǵan áıeldiń jaqyndary.