Qazaqstan tennısshisi Jibek Qulambaeva Polshanyń sportshysy Martyna Kýbkomen dýet oınap, Sherbýrgte (Fransııa) ITF týrnıriniń juptyq saıysynda fınalǵa shyqty, dep habarlaıdy Egemen.kz Sports.kz saıtyna silteme jasap.
Jartylaı fınalda Qulambaeva men Kýbko belgııalyq tennısshi Marı Benýa men fransýz Tıffanı Lemaıtrmen oınady. Birinshi set qazaq sportshysy men onyń seriktesine buıyrdy – 6:2. Ekinshi oıynda 4:2 esebimen Qulambaeva men Kýbkonyń paıdasyna qarsylastary oıynnan shyǵyp qaldy. Osylaısha Qazaqstan tennısshisi jarystyń fınalyna shyqty.
Buǵan deıingi týrnırde Jibek Qulambaeva men Martyna Kýbko fransýz Dıana Martynov pen Ulybrıtanııa ókili Matılda Mýtavdjıchti 6:7, 6:1, 10:5 esebimen utty.
Aıta keteıik, Sherbýrg týrnıriniń júlde qory 25 000 dollardy quraıdy.