Saýd Arabııasynyń bas shahary Er-Rııadta ótip jatqan Dúnıejúzilik jaýyngerlik óner oıyndarynda qazaq samboshylary taǵy 2 medal jeńip aldy, dep habarlaıdy Egemen.kz Týrızm jáne sport mınıstrligine qarasty Sportty damytý dıreksııasynyń baspasóz qyzmetine silteme jasap.
Elaman Qoıshybaev pen Asyljan Orynbasarova (65 kg) aralas komandalyq synda kúmis júldeger atandy. Olar Azııa men Tynyq muhıty aımaǵynan jasaqtalǵan ekinshi qurama sapynda kúsh synasty. A.Orynbasarova Eýropa-1 quramasyndaǵy Reseı balýany Iаna Polıakovadan jeńilse, E.Qoıshybaev Belarýs balýanynan jekeleı synda ketken esesin qaıtardy. Jalpy esep: 4-6.
Aıta ketsek, V Búkilálemdik jaýyngerlik óner oıyndarynda sambodan saıystar aıaqtaldy. 7 balýan alyp kelgen Qazaqstan quramasy jekeleı synda 1 altyn, 1 kúmis, 3 qola, al mıkste 2 kúmis júldege ıe boldy.