Qazaqstanda mýzeı qyzmetkerleriniń ortasha jalaqysy qansha? Bul suraqqa Ulttyq mýzeı dırektorynyń ǵylymı jumystar jónindegi orynbasary Aqmaral Ibraeva jaýap berdi, dep habarlaıdy Egemen.kz.
Aıta ketsek, búgin elordada mýzeı qyzmetkerleriniń I kongresi ótip jatyr.
«Qazaqstanda 270-ten astam mýzeı bar. Bul salada sheshimin taba almaı jatqan ózekti bir másele bar - kadr jetispeýshiligi. Qazir mýzeı isin túsinetin, tarıhı, mádenı eskertkishter men muralardy ajyra alatyn maman tapshy. Mýzeı qyzmetkerleriniń ortasha jalaqysy 200 myń teńge», dedi Aqmaral Ibraeva.
Onyń aıtýynsha, mýzeı mamandary tapshy bolsa da, bul sala jyl saıyn damyp keledi. Memleket te mýzeı isine qoldaý kórsetip otyr.
«Burynǵyǵa qaraǵanda qazir jastardyń qyzyǵýshylyǵy artyp keledi. Máselen, bizdiń mýzeıde 20-dan astam jas maman jumys isteıdi», dep qosty ol.