Senat depýtattary Nurlan Beknazarov, Altynbek Nuhuly, Lázzat Qaltaeva TMD Parlamentaralyq Assambleıasynyń turaqty komıssııalarynyń jumysyna qatysty.
TMD PAA-nyń quqyqtyq máseleler jónindegi turaqty komıssııasynyń otyrysynda Nurlan Beknazarov áriptesterimen «Múlikti menshikke berý sharttary týraly», «Memlekettik kadastrlyq baǵalaý týraly», «Nagrada, jarııa konkýrs, oıyndar men bás tigýdiń jarııa ýádesiniń mindettemeleri týraly» úlgi zańdardyń jobalary boıynsha jumys barysyn talqylady. Sonymen qatar TMD PAA-nyń quqyqtyq máseleler jónindegi turaqty komıssııasynyń músheleri Nurlan Beknazarovty komıssııa tóraǵasynyń orynbasary etip saılaý týraly sheshim qabyldady.
Senator Altynbek Nuhuly TMD PAA Ǵylym jáne bilim jónindegi turaqty komıssııasynyń otyrysynda ǵylymı jáne ǵylymı-tehnıkalyq qyzmet, jasandy ıntellekt, daryndy balalar men jastardy anyqtaý jáne júıeli súıemeldeý sharalary máselelerin talqylady.
Senator Lázzat Qaltaeva mádenıet, aqparat, týrızm jáne sport jónindegi otyrysta basqa elderdiń parlamentshilerimen birlesip balalardyń densaýlyǵy men damýyna zııan keltiretin aqparattan qorǵaý máselelerin talqyǵa saldy.