Astana qalasyndaǵy Ulttyq akademııalyq kitaphanada 3 qarasha kúni saǵat 17:00-de qazaqtyń tuńǵysh bard aqyny atanǵan jýrnalıst, bard-ánshi Tabyldy Dosymovty eske alýǵa arnalǵan ádebı-sazdy kesh ótedi.
«Tirlikti mynaý, janym-aı, máńgilik deme, Uıyqtap ketsem bir kúni, oıanbaı qalam...» dep jyrlap 46 jasqa qaraǵan shaǵynda ómirden ozǵan Tabyldy Dosymovtan tyńdarmandarynyń ajyrap qalǵanyna 13 jyldyń júzi boldy. 1986 jyly Jeltoqsan oqıǵasyna qatysqany úshin qýdalaýǵa ushyrap, oqýdan shyǵarylǵan Tabyldy Dosymov ómiriniń aqyrǵy kúnderine deıin Atyraý oblysy, Inder aýdandyq mádenıet jáne tilderdi damytý bólimin basqardy. Qazaqtyń saz áleminde bard oryndaýshylyqtyń ózindik mektebin qalyptastyrǵan Tabyldy Dosymovtyń esimi eshqashan eleýsiz qalmaıdy.