Jastar ortalyǵy kómekke zárý

Jıynǵa oblystyq, qalalyq jáne aýdandyq jastar resýrs­tyq­ ortalyqtarynyń basshy­la­ry qatysyp, aımaqtaǵy ózek­ti máselelerdi jan-jaqty tal­qylap, usynys-pikirlerin orta­ǵa saldy. Basty maqsat – mem­lekettik jastar saıasaty júıe­sindegi jumystyń sapasy men tıimdiligin arttyrýda meke­me­lerdiń qyzmetin jandandyrý. Astana IT ýnıversıtetinde uıym­d­astyrylǵan otyrysta aldy­men Shymkent jáne Astana qala­lyq Jastar resýrstyq orta­lyq­tarynyń atqarǵan jumysy tyń­da­l­dy.

– Búginde Jastar resýrstyq orta­lyǵy 5 baǵyt boıynsha­ ju­mys istep jatyr. Iаǵnı jastarǵa qyz­met kórsetý, talantty jastardy qoldaý, kovorkıng ortalyǵy, shaǵyn kitaphana, psıhologııalyq keńes berý baǵyttary negizinde jas­tar saıasatyn júzege asyrý­ boıynsha ortalyqtyń jyldyq jospary bekitildi. Qoljetimdi jáne sapaly bilim berýdi qam­ta­ma­syz etý, ǵylymı-tehnıkalyq ále­ýetti damytý, jastar arasynda memlekettik baǵdarlamalardy nası­hattaý jumystary boıynsha 625 is-shara uıymdastyrylyp, 83 myńnan asa jas qamtyldy. Jyl sońyna deıin 120 myń jas­ty qamtý josparda bar. Den­saý­lyq saqtaý jáne salamatty ómir saltyn qalyptastyrý baǵy­ty boıynsha 352 is-shara uıym­das­ty­rylyp, 27 myńnan astam jas qam­tyldy. Jyl aıaǵyna deıin 39 myń azamatty qamtý kózdelip otyr, – dedi Shymkent qalalyq Jastar resýrstyq ortalyǵynyń basshysy Maǵjan Isahov.

Basqosýda JRO jumysynyń sapasy týraly zertteý tanystyryldy. Onda mamandar aımaqtaǵy mekemelerdiń ınfraquryly­myn, baǵdarlamalary men ár­túrli is-sharalaryn taldap,­ kadrlardyń biliktiligin sara­la­ǵan. Nátıjesinde, óńirdegi ortalyqtardyń jumysy 40 pa­ıyz deńgeıinde baǵalanǵan.

– Biz kóbinese jastar re­sýrs­­tyq ortalyqtarynyń ınfra­qu­ry­lym máselesin alǵa tartamyz. Eger basqa kórsetkishtermen salystyrsaq, bul problema azdy-kem sheshildi. Al kadrlardyń biliktiligi, jumysymyz qan­sha­lyqty jastardyń qyzy­ǵý­shylyǵyn týdyrady, qajet­tik­terine saı kele me degen sekildi máseleler ózektiligin arttyryp tur. Sondyqtan osy túıindi tarqatýǵa nazar aýdarý qajet. Iаǵnı «Jastar resýrstyq ortalyǵy degenimiz ne?» degen saýalǵa bir-eki sózben jaýap beretindeı deńgeıge jetýimiz kerek, – dedi JRO jumysyn pılottaý bo­ıynsha IýNISEF-IýNFPA-ǴZO birlesken joba­synyń jetekshisi Nurlybaı Naýryzbaev.

Baǵalaýǵa óńirden kelgen jastar resýrstyq ortalyqtary basshylarynyń birazy kelispedi. О́ıtkeni mundaı zertteýlerge aımaqtyń geografııalyq erek­she­likterin de eskerýge tıis. Máselen, Túrkistan oblysynda jas­tardyń sany 650 myńnan asyp jyǵylady. Al olarmen tike­leı jumys isteıtin maman sany – nebári 430 adam. Demek keı baǵyttardy júıeli iske asy­rýda jumys sapasy aqsaýy yqtı­mal. Osy rette Mádenıet jáne aqparat mınıstrligi Jastar jáne otbasy isteri komıteti tóraǵa­sy­nyń orynbasary Rollan Qus­pan­ qatysýshylarǵa bul jalpy­la­ma­ kórsetkish ekenin eske saldy.

– Jalpy, Jastar resýrstyq ortalyqtarynda birneshe másele bar. Birinshisi, mamandardyń aılyq jalaqysy az. Ekinshisi, jastarǵa qajetti ınfraqurylym joq. Iаǵnı ǵımaratymyz zaman talabyna saı kópfýnksıo­­naldy kovorkıng emes. Saldarynan jastar ortalyqtarǵa kelgisi kelmeıdi. Úshinshisi, maman­darymyzdyń kásibı biliktilik deńgeıi. Prezıdent ákimshiliginiń tapsyrmasymen Strategııalyq josparlaý jáne reformalar agenttigi Jastar resýrstyq ortalyqtarynyń jumysyna tolyqqandy taldaý júrgizdi. Aldymen Astana, Almaty, Shymkent qalalarynyń, bar­lyq oblystyq jáne 29 aýdan­ ortalyǵyndaǵy Jastar resýrs­tyq ortalyqtaryna telefon arqyly habarlasqan. Basym kópshiligi jaýap bermegen, jaýap bergeni jastardy jumyspen qamtý týraly tolyqqandy aqparat usyna almaǵan. Biri jumyspen qamtý ortalyǵyna habarlasýǵa keńes berse, bireýi ǵana kolledjde bos jumys orny bar ekendigin aıtqan. Buǵan qosa, jýrnalısterdiń kómegimen 70 Jastar resýrstyq ortalyǵyna telefon shalyp, aqparat alýyn­ suraǵan. Taǵy da mardymdy­ jaýap bolmaǵan. 13-i ǵana tikeleı baılanysqa shyqsa, qal­ǵandary aqparatty poshtaǵa qo­sym­sha joldaıtynyn aıtqan. Sondaı-aq bir azamatty sol ortalyqtarǵa arnaıy jibergen, 10 mekemeniń basshysy ornynda bolmaǵan, qyzmetkerleri qalǵan basshylardyń jınalys­ta, issaparda ekendigin aıtsa, birqatary basshylarynyń qaıda ekenin bilmegen. Bul taldaý jumystarynyń bir bóligi ǵana. Bul rette, birneshe faktini negizge alyp, eń aldymen, Jastar resýrstyq ortalyqtarynyń jumysyn túbegeıli standarttaý qajettigine kózimiz jetip otyr. Sondyqtan Jastar ortalyqtarynyń jumysyn standarttaý, mamandardyń jalaqysyn ósirý, biliktiligin arttyrý boıynsha arnaıy oqý baǵdarlamasyn ázirleý, fýnksıonaldyq qyzmetterin júıelendirý syndy jumys­tar­men aınalysyp jatyrmyz, – dedi ol.