5 qarasha kúni ótken aýdandar men oblystyq mańyzy bar qalalar ákimderin saılaý qorytyndysy shyqty, dep habarlaıdy Egemen.kz Ortalyq saılaý komıssııasynyń aqparatyna silteme jasap.
Memleket basshysynyń bastamasymen alǵash ret pılottyq aýdandar men oblystyq mańyzy bar qalalardyń ákimderin saılaý ótti. Elimizdegi 17 oblystyń máslıhattary ákimderdi saılaý úshin 42 aýdan men 3 oblystyq mańyzy bar qalanyń tizbesin bekitti. 5 qarasha kúni ótken ákimderdi saılaýǵa 1553 saılaý komıssııalary: 17 oblystyq, 3 qalalyq, 42 aýdandyq jáne 1491 ýchaskelik saılaý komıssııalary jumyldyryldy.
Balama negizde ótkizilgen saılaý bıýlletenine 125 kandıdat engizilgen. Daýys berýge saılaýshylardyń 62,79 %-y qatysqan. Saılanǵan ákimderdiń ortasha jasy – 46,7 jas. Saılaý naýqany respýblıkanyń saılaý zańnamasy normalarynyń talaptaryna sáıkes ótti. Saılaý kúni 8500-ge jýyq azamat, olardyń ishinde kandıdattardyń senim bildirilgen adamdary, baıqaýshylary men BAQ ókilderi baqylaýshy boldy. «Qazaqstan Respýblıkasynyń Ortalyq saılaý komıssııasy osy saılaýdy uıymdastyrý jáne ótkizý kezinde aýmaqtyq saılaý komıssııalaryna ádistemelik basshylyqty, sondaı-aq olardyń qyzmetiniń saılaý týraly Konstıtýsııalyq zań talaptaryna sáıkestigin baqylaýdy júzege asyrdy», delingen aqparatta.