Soltústik Qazaqstan oblysynyń Belegradovka – Jańaesil aralyǵynda júk poıyzynyń mashınısi shuǵyl tejegishti qoldandy. Alaıda, júk poıyzy usaq maldy japyryp ótti, dep habarlaıdy Egemen.kz.
Kóliktegi polısııa departamentiniń málimetinshe, 2023 jyldyń basynan beri poıyzdardyń shuǵyl tejelýiniń 1624 faktisi tirkelgen, onyń 1077-si temir jol tóseminde janýarlardyń júrýi sebebinen oryn aldy.
Máselen, 3 qarashada Soltústik Qazaqstan oblysynyń Belegradovka – Jańaesil aralyǵynda júk poıyzynyń mashınısi temir jolda júrgen usaq malmen soqtyǵysýdyń aldyn alý úshin shuǵyl tejegishti qoldanǵan. Alaıda soqtyǵysýdyń aldyn alý múmkin bolmady, saldarynan 16 bas usaq maldy qaǵyp ketti.
Josparlanbaǵan poıyz turaǵy 10 mınýtqa sozyldy.
"Tekserý barysynda úı janýarlarynyń ıesi anyqtaldy. Ol Soltústik Qazaqstan oblysynyń 58 jastaǵy turǵyny bolyp shyqty. Quqyq buzýshy QR ÁQBtK-niń 559-babynyń 1-bóligi (Temirjoldarǵa bólingen jolaqta mal jaıý erejelerin buzý) boıynsha ákimshilik jaýapkershilikke tartyldy", - dep jazdy departamentten.