Búginde Qazaqstanda esirtki satýshylar OLX saıtyn belsendi paıdalanady. Bul týraly IIM Esirtki qylmysyna qarsy is-qımyl departamenti bastyǵynyń orynbasary Baqytjan Ámirhanov aıtty, dep habarlady Egemen.kz.
Qazirgi kezde polısııa ınternet arqyly esirtki satý qylmystaryn turaqty túrde ashyp jatyr.
"Jyl basynan beri Mádenıet jáne aqparat mınıstrligine 3,2 myńnan asa esirtki saıttaryn buǵattaý týraly suraýhat jiberildi. Biraq qazir esirtki jarnamalaıtyn saıttar tez ózgeredi", dedi Baqytjan Ámirhanov OKQ-da ótken baspasóz máslıhatynda.
Basshynyń orynbasary esirtki satýshylar qandaı saıtty jıi paıdalanatynyn atap ótti.
"Esirtki satý boıynsha OLX saıty tanymal. Tek jyl basynan beri atalǵan kompanııamen Ishki ister mınıstrliginiń bastamasy boıynsha polısııa jáne servıs qyzmetkerleri 3 myńnan asa habarlandyrýdy joıdy", dedi IIM ókili.
IIM dereginshe, 2023 jylǵy 10 aıda 2 405 esirtki qylmysy (1 287 ótkizý jáne asa iri kólemde 415 esirtki saqtaý) tirkelgen. Sondaı-aq 32 tonna 642 keli ártúrli esirtki (62 keli geroın, 5 tonnadan asa keptirilgen marıhýana, 503 keli gashısh jáne 255,5 keli sıntetıkalyq esirtki) tárkilengen.