Oqý jylynyń ekinshi toqsanynan bastap Astana qalasy Bilim basqarmasynyń bastamasymen elordadaǵy barlyq bilim oshaǵynda «8 mınýttyq kórkem ádebıet oqý» jobasy bastaldy.
Oqýshylardyń kitap oqýǵa degen qyzyǵýshylyǵyn arttyrý, tanym kókjıegin keńeıtý maqsatynda uıymdastyrylyp otyrǵan joba aıasynda balalar kúnde 8 mınýt kitap oqıdy. Iаǵnı ár úzilis saıyn sabaq bastalmas buryn 8 mınýt ýaqytyn kitap oqýǵa bóledi.
«Bul jobany bastaýdaǵy maqsatymyz árbir oqýshy kórkem ádebıet oqysa eken deımiz. Sebebi kitap oqyǵan oqýshynyń bilimi, oı-órisi keńeıedi. Kitap oqýdyń paıdasy orasan zor. Sózdik qordyń kóbeıýine, mıdyń kúndelikti jattyǵýyna jáne este saqtaý qabiletiniń jetilip, balanyń shyǵarmashylyq oılaý júıesin jaqsartady. Buǵan qosa, bilim sapasyn kóterýge tıgizer áseri mol. Sol sebepti osy jobany qolǵa alyp, mektepterge engizip otyrmyz», deıdi Astana qalasy Bilim basqarmasynyń basshysy Qasymhan Senǵazyev.
Sondaı-aq mektepterde «Býkkrosıng» buryshtary ashylady. Onda oqýshylar bir-birimen kitap almasady. Mektepterdiń foıelerindegi kovorkıng zonalar da balalarǵa arnalǵan.
«Búgin bizdiń mektepte «8 mınýttyq oqý» kitap oqý jobasy bastaldy. Biz birinshi sabaqtyń aldynda kórkem ádebıet oqydyq. Men Saparǵalı Begalınniń «Bala Shoqan» shyǵarmasyn oqýdy bastadym. Búgin 8 mınýtta 5 bet oqydym. Demek bir aıda osy qarqynmen tolyq bir kitapty aıaqtaıtyn sııaqtymyn. Osy kitapty aıaqtaǵan soń, basqa shyǵarmalardy da oqımyn. Kitap oqý jobasynyń bastalýyna qatty qýandym. О́ıtkeni talap etpese, balalar kitap oqymaıdy. Bárińizdi kitap oqýǵa shaqyramyn», deıdi №90 mekteptiń 5-synyp oqýshysy Ámına Sársenbaı.