Qostanaıda ótken Qazaqstan men Reseı arasyndaǵy dástúrli yntymaqtastyq forýmy barysynda «Baıan sulý» AQ basqarma basshysy Tımýr Sadyqov kompanııa óniminiń jartysyna jýyǵy alys-jaqyn shet elderge satylyp jatqanyn aıtty, dep habarlaıdy Egemen.kz.
«Baıan Sulý» kondıterlik fabrıkasy jylyna 50 myń tonnadan astam ónim óndirse, onyń 40 paıyzǵa jýyǵy eksportqa satylady. Bizdiń eksporttyq baǵyttarymyzǵa bıyldan bastap TMD elderi, sonymen qatar Qytaı, Mońǵolııa, Shyǵys Eýropa jáne Ońtústik Koreıa kiredi. Biz óz ónimderimizdi jańa naryq keńistikterine, jańa elderge shyǵarýǵa múddelimiz. Geografııamyzdy keńeıtip jatyrmyz, ónimderimizdiń eksporttyq áleýeti zor ekenin kórip otyrmyz», dedi Tımýr Sadyqov.
Fabrıka ónimderi búginde Qytaıda ótip jatqan VI halyqaralyq ımport taýarlary kórmesine de qatysyp jatyr.