Egindikóldiń eńsesi kóteriledi

Mamandardyń esepteýine qara­ǵ­anda, jarty ǵasyrdan beri jal­paq jurtty aýyz sýmen qamta­masyz etip kele jatqan Nura sý qubyrynyń 90 paıyzǵa jýyǵy shirigeni de belgili edi. Sonaý Nuradan bastaý alyp, Atbasarǵa jetkenshe jeli boıyndaǵy sýdyń shamamen 70-80 paıyzy shyǵyn bolatyny da kórsetilgen. Sý qu­byry jıi jarylatyndyqtan úsh aýdannyń turǵyndary aptalap aýyz sýsyz qalatyn. Osy jyldyń mamyr aıynda jergilikti mańyzdaǵy tótenshe jaǵdaı da jarııalanǵan. Taıaýda oblys ákim­di­giniń baspasóz qyzmeti súıinshi habar jarııalady. El Prezıdenti Qasym-Jomart Toqaev oblys ákiminiń taǵaıyndaǵan kezde qadaı tapsyrǵan alǵashqy mindettiń biri osy bolatyn.

Oblys ákimi Marat Ahmet­janov­tyń basshylyǵymen komıssııa quryldy. Komıssııa qura­my­na Sý resýrstary jáne ırrıgasııa mınıstriniń orynbasary, Sý resýrstary komıtetiniń tóraǵasy, Qorǵaljyn, Egindikól aýdan­da­ry­nyń ákimderi, oblystyq turǵyn úı-kommýnaldyq sharýashylyǵy basqarmasynyń basshysy, Nura toptyq sý qubyrynyń ókilderi jáne basqa da múddeli adamdar kirdi. Jeliniń jańa ýchaskelerin negizgi ýchaskelerge qosý boıyn­sha naqty is-qımyl jos­pary ázirlendi jáne qosylý merzimi kelisildi. Oblys ákiminiń shaqyrýymen aýdanǵa Sý resýrstary jáne ırrıgasııa mınıstri Nurjan Nurjigitov keldi. Sol jerde qubyrdyń tozyǵy jetken magıstraldyq bó­li­gin aýystyrý tehnologııasyn ózgertý týraly jedel she­shim qabyldandy. Uzyndyǵy 337 sha­qyrymdy quraıtyn sý qu­by­ry Egindikól, Qorǵaljyn jáne Atbasar aýdandarynyń 24 eldi mekenin sýmen jabdyqtaýdyń negizgi kózi ekenin atap ótý qajet.

Sý qubyryn jańǵyrtý jalǵa­sý­da. Ol jerde birden eki merdiger uıym jumys isteıdi. 42 shaqyrym or qazyldy. 11,2 shaqyrymnan asa qubyr tóseldi. О́zge de jumystar meılinshe sapaly atqarylyp ja­tyr. Keshe Egindikól aýyly turǵyndaryna jeti aıdan keıin alǵash ret aýyz sý bere bastaldy. Endi eldiń eńsesi kóteriletin-aq shyǵar.

Aqmola oblysy