«QTJ-Júk tasymaly» JShS-niń barlyq fılıalynda lokomotıvterdi qysqa daıyndaý jumystary aıaqtaldy, dep habarlaıdy Egemen.kz «Samuryq - Qazyna» Qorynyń resmı Telegram - arnasyna silteme jasap.
Tekserý barysynda qysqy kezeńdegi jumysqa 1,4 myńnan astam lokomotıv daıyn ekeni anyqtaldy.
«Lokomotıvterdiń tartqysh jyljymaly quram toraptary men júıeleri qysqy jumys rejımine aýystyryldy. Sondaı-aq qaýipsizdik quraldary, dızel-generator qondyrǵylary, tartqysh elektr qozǵaltqyshtary, qosalqy jabdyqtar men avtotejegishter tekserildi. Lokomotıvterdiń tehnıkalyq, estetıkalyq, órtke qarsy, sanıtarlyq jaǵdaılary da baqylandy. Tekserý jumystary osy jyldyń 10 qyrkúıek - 10 qarasha aralyǵynda júrgizildi», delingen habarlamada.