Daýgavpıls (Latvııa) qalasynda qarashanyń 10-12 kúnderi aralyǵynda ótken djıý-djıtsýdan álem chempıonatyna jahannyń 29 elinen 600-ge jýyq sportshy qatysty, onyń ishinde elimizdiń 80 sportshysy bar. Jalpykomandalyq esepte Qazaqstan quramasy birinshi oryndy jeńip aldy, dep jazady Egemen.kz.
Vedomstvonyń baspasóz qyzmetiniń málimetinshe, jasóspirimder arasyndaǵy Graýnd Faıt baǵdarlamasy boıynsha jerlesterimiz 6 altyn, 5 kúmis, 6 qola júldege ıe bolsa, eresekter arasynda 6 altyn, 4 kúmis, 14 qola medal jeńip aldy.
Kloss kontakt boıynsha ótken jekpe-jekterde jasóspirimder – 6 altyn, 6 kúmis, 4 qola, eresekter – 9 altyn, 8 kúmis, 8 qola enshiledi.
Celf jarysynda 2 altyn, 5 qola medal oljalady.
Al Fýll kontakt baǵdarlamasynda jasóspirimder – 6 altyn, 3 kúmis, 4 qola, eresekter – 11 altyn, 9 kúmis, 4 qola júldege qol jetkizdi.
Vedomstvoǵa qarasty Sport jáne dene shynyqtyrý isteri komıtetiniń tóraǵasy Erbol Myrzabosynov jalpykomandalyq esepte birinshi oryndy jeńip alǵan Qazaqstan quramasy sportshylary men jattyqtyrýshylar shtabyn quttyqtady.