Qazaqstan Ulttyq Banki Qazaqstan Respýblıkasy ulttyq valıýtasynyń 30 jyldyǵyna oraı 15 qarashadan bastap nomınaly 10 000 teńgelik mereıtoılyq banknotany aınalymǵa shyǵarady, dep habarlaıdy Egemen.kz nationalbank.kz-ke silteme jasap.
Banknotada 19 qorǵanysh elementi bar. Moneta beınelengen dızaında negizgi golografııalyq element – teńgeniń «₸» belgisi qoldanylǵan. Banknotanyń eki jaǵynda da sheksiz qozǵalystyń sımvoly – «Mıobıýs lentasy» bar.
Banknotanyń aldyńǵy betinde qazaqy oıý-órnekpen dástúrli stılde bezendirilgen Qazaqstan kartasy aımaqtarymen beınelengen. Banknotanyń ekinshi betinde kartadaǵy Eýrazııa qurlyǵynyń jalpy kontýry syzylǵan. Onda 5 mm magnıtti qorǵanysh jip pen «₸» belgisi túrindegi Spark elementi bar.
Nomınaly 10 000 teńgelik mereıtoılyq banknota óz qunyna saı Qazaqstan Respýblıkasynyń búkil aýmaǵynda tólemniń barlyq túri boıynsha qabyldanady.