15 qarashada Qazaqstannyń 11 oblysynda qolaısyz aýa raıyna baılanysty eskertý jarııalandy, dep habarlaıdy Egemen.kz.
Túnde jáne tańerteń Batys Qazaqstan oblysynyń soltústiginde, shyǵysynda tuman túsedi dep kútiledi. Kúndiz oblystyń batysynda, ońtústiginde ońtústik-shyǵystan soqqan jeldiń ekpini 15-20 m/s quraıdy. Oral qalasynda túnde jáne tańerteń tuman bolady dep kútiledi.
Mańǵystaý oblysynyń ortalyǵynda, batysynda tuman túsedi dep kútiledi. Aqtaýda túnde jáne tańerteń tuman bolady dep boljanady.
Aqtóbe oblysy ortalyǵynda túnde ońtústikten, ońtústik-batystan 15-20 m/s jyldamdyqpen jel soǵady dep kútiledi.
Jetisý oblysynyń Alkól aýdanynda ońtústik-shyǵystan soqqan jeldiń ekpini 15-20 m/s, keı tusta 23-28 m/s, keıde tipti 30 m/s-dan da joǵary bolady dep boljanady.
Aqmola oblysynyń batysynda, soltústiginde, ońtústiginde ońtústikten, ońtústik-batystan soqqan jeldiń ekpini 15-20 m/s, keı tusta 23 m/s deıin jetedi. Kókshetaýda ońtústikten, ońtústik-batystan soqqan jeldiń ekpini 15-20 m/s bolady dep boljanady.
Túnde jáne tańerteń Qostanaı oblysynyń soltústiginde, shyǵysynda tuman bolady dep kútiledi. Ońtústikten, ońtústik-batystan soqqan jeldiń ekpini - 15-20 m/s. Qostanaıda ońtústikten, ońtústik-batystan soqqan jeldiń ekpini 15-20 m/s bolady dep kútiledi.
Túnde jáne tańerteń Abaı oblysynyń shyǵysynda tuman bolady dep kútiledi. Oblystyń ortalyǵynda, shyǵysynda, ońtústiginde ońtústik-shyǵystan soqqan jeldiń ekpini 15-20 m/s, keı tusta 25 m/s-ǵa deıin jetedi.
Túnde jáne tańerteń Shyǵys Qazaqstan oblysynyń soltústiginde, shyǵysynda tuman bolady dep kútiledi. Oblys ortalyǵynda, ońtústiginde ońtústik-shyǵystan soqqan jeldiń ekpini 15-20 m/s, keı tusta 23 m/s-ǵa deıin jetedi.
Soltústik Qazaqstan oblysynyń basym bóliginde ońtústikten soqqan jeldiń ekpini 15-20 m/s, kúndiz oblystyń ońtústiginde, batysynda soqqan jeldiń ekpini 23-28 m/s bolady dep kútiledi.
Ulytaý oblysynyń soltústiginde, shyǵysynda ońtústik-shyǵystan soqqan jeldiń ekpini 15-20 m/s bolady dep kútiledi.
Qaraǵandy oblysynyń soltústiginde, shyǵysynda tuman túsedi dep kútiledi. Oblystyń soltústiginde, ońtústiginde, shyǵysynda ońtústikten, ońtústik-shyǵystan soqqan jeldiń ekpini - 15-20 m/s.