Tarıhy tereń Taraz shaharda A.Toqpanov atyndaǵy oblystyq qazaq drama teatry men Jambyl oblystyq orys drama teatry syndy eki teatr ujymy bar. Alaıda eki teatrǵa - bir sahna. О́ner men mádenıetti órkendetýdi josparlaǵan talaı ákim aımaqty tizgindegenmen másele sheshilmedi. Bul týraly «Egemen Qazaqstan» gazetiniń búgingi sanynda Jambyl oblysyndaǵy menshikti tilshimiz Tabıǵat Musylmanqul «О́ńir mádenıetine tyń serpin kerek» maqalasynda tarqata jazdy.
Tilshi kórshi Shymkent qalasynda 7-8 teatrdyń jeke-dara otaýy bar ekenin aıta kelip, Taraz teatrlaryna mundaı baq buıyrmaǵanyna nazar aýdartady.
Atalǵan óńirdegi tilshimiz Táýelsizdik alǵan 30 jyl ishinde Batys Qazaqstan, Túrkistan, Qaraǵandy, Qostanaı, Shyǵys Qazaqstan, Jetisý oblystary men Shymkent qalasynda jańa teatr ǵımarattary salyndy. Endigi kezekte Taraz qalasynda da zamanaýı teatr ǵımaratyn salý ýaqyt talaby bolyp otyrǵanyn alǵa tartady.
Maqalada oblystyq máslıhat depýtaty Farıda Júnisovanyń jastardy mádenıetke baýlý, aǵa býynnyń ýaqytyn qyzyqty úılestirý isinde qos teatrdyń jalǵyz sahnany kezektese qoldanýy kedergi keltiredi degen pikiri alynǵan.
«Bizdiń óńirde 1967 jyly paıdalanýǵa berilgennen beri qazaq jáne orys teatry ujymdary bir ǵımaratta 56 jyl birge jumys istep keledi. Eki teatrdyń bir ǵımaratta otyryp eńbek etýi birinshiden, eki ujymnyń da shyǵarmashylyq jumystarynyń sandyq jáne sapalyq kórsetkishteriniń damyp, jaqsarýyna keri áserin tıgizedi. О́ıtkeni josparlanǵan qoıylymdar men mádenı is-sharalar ótkizý úshin teatr sahnasy men kórermender zalyn qazaq jáne orys drama teatrlary bir-bir aptadan kezekpen paıdalanyp otyr», deıdi Farıda Júnisova.
Avtor saladaǵy ózge de kúrmeýli máselelerge toqtalǵan. Onyń ishinde teatrǵa kásibı mamandardyń kelmeýi - óńirde jastarǵa áleýmettik jaǵdaıdyń jasalmaýymen baılanysty dep túsindiredi.
«Teatr mamandarynyń tapshylyǵynyń oryn alýynyń basty sebebi – Taraz qalasynda jas mamandardyń áleýmettik máselelerin jaqsartý máselesi sheshimin tappaı otyrǵandyǵynda. Osy sebepti teatr qyzmetkerleriniń jalaqysyn kóterý, jas ártisterdiń aı saıynǵy páter aqylaryn bıýdjet esebinen tóleýge múmkindik jasaý jáne olardyń arnaıy jeńildetilgen baǵdarlama boıynsha páter alýlaryna yqpal etý máselesi sheshimin tabýy qajet», deıdi avtor.
Jambyl oblysyndaǵy óner men mádenıettiń aqsap turǵan tustaryn saralaǵan materıaldy gazetimizdiń búgingi sanyndaǵy «О́ńir mádenıetine tyń serpin kerek» maqalasynan tolyq oqı alasyzdar.