Ulttyq qaýipsizdik komıteti men Bas prokýratýra sotqa deıingi tergep-tekserý sheńberinde Astana, Atyraý jáne Jezqazǵan qalalarynda radıkaldy dinı toptardy anyqtady, dep jazady Egemen.kz.
Ulttyq qaýipsizdik komıtetiniń málimetinshe terrorızmdi nasıhattaý, sondaı-aq ekstremıstik topty qurý, oǵan basshylyq etý jáne onyń áreketine qatysý kúdigimen ekstremıstik toptyń 12 múshesi bir mezgilde ustaldy.
Tergeý boljamy boıynsha, olar Qazaqstandaǵy zaıyrly qurylymdy qulatýdy kózdegen. Ol úshin ekstremıstik ıdeologııany taratqan jáne qatarlaryna jańa jaqtastardy tartqan.
«Fıgýranttardyń turǵylyqty mekenjaılary boıynsha tintý barysynda tyıym salynǵan ádebıetter men basqa da dáleldi zattar aıqyndaldy.Toptyń birqatar múshesi polısııa qyzmetkerin óltirý, bandıtızm, qaraqshylyq, tonaý jáne zorlaý sekildi aýyr qylmystar jasaǵandary úshin buryn sotty bolǵandar. Qylmystyq-prosestik kodekstiń 201-baby 1-bóligine sáıkes ózge aqparat jarııa etýge jatpaıdy», delingen Qaýipsizdik komıteti taratqan habarlamada.