AQSh Áskerı-áýe kúshteriniń ansambli «MýzART» tobynyń «Balaýsa» atty ánin oryndap, qazaq halqynyń júregin birden baýrap aldy, dep jazady Egemen.kz.
Amerıka áskerıleri dıplomatııalyq mıssııa sheńberinde AQSh pen Qazaqstan arasyndaǵy dostyq qarym-qatynasty nyǵaıtý maqsatynda Qazaqstanǵa keldi.
Ansambl músheleri qazaq tiliniń dybystalý úni unaıtynyn, sondaı-aq qazaq tilin úırengisi keletinin atap ótti.
Áskerı mýzykanttar óner kórsetken konserttiń ózi Astanada ótti degen boljam bar. Qazaq halqy sheteldikterdiń qazaqsha sózderdi durys aıtýǵa múmkindiginshe tyrysqanyn baıqap, rıza boldy.
Aıta keteıik, ansambl paraqshasynda olardyń ujymy 7 elge baryp, seriktes eldermen berik qarym-qatynas ornatyp, barlyǵy 13,1 mıllıon adamnyń aldynda án shyrqaǵany jazylǵan.
«О́kinishke qaraı, bul dáýirdiń aıaqtalýyn bildiredi. О́ıtkeni bul – áýe ulttyq gvardııasynyń sońǵy toby. ANG toptary kelesi jyly zeınetke shyǵady, sondyqtan Active Duty Bands AQSh VVS Ortalyq qolbasshylyǵyna qoldaý kórsetýdi jalǵastyrady. ANG Bands 80 jyldan astam ýaqyt shtatta da, shetelde de óz mıssııasyn atqardy. Biz elimizge qyzmet etkenimizdi maqtan tutamyz», dep jazdy mýzykanttar.