Almaty oblysynyń polısııa qyzmetkerleri qursaǵyndaǵy balasyn satpaq bolǵan shetel azamatyn ustady, dep habarlaıdy Egemen.kz.
Júktilik merzimi jeti aıǵa jetken 24 jastaǵy áıel áleýmettik jelide áli dúnıege kelmegen balasyn satý týraly habarlama qaldyrǵan.
Polıseıler ony 22 qarasha kúni Qarasaı aýdanynda ustaǵan.
«Atalǵan derek QR Qylmystyq kodeksiniń 135-babynyń 1-bóligimen Qarasaı aýdandyq ákimdiginde tirkeldi. Qazirgi ýaqytta kúdiktige qatysty tergeýdiń jan-jaqtylyǵyn, tolyqtyǵyn jáne obektıvtiligin qamtamasyz etý maqsatynda saraptamalar taǵaıyndalyp, jedel-izdestirý sharalary júrgizilip jatyr», dep habarlady Almaty oblystyq polısııa departamentiniń bastyǵy Baýyrjan Álenov.
Ustalǵan azamat Qarasaı aýdandyq polısııasynyń ýaqytsha ustaý ızolıatoryna qamaldy.