Qostanaı oblysynyń halqymen esep berý kezdesýin ótkizgen Týrızm jáne sport mınıstri Ermek Marjyqpaev Qytaıda ótken jazǵy Azııa oıyndaryna qatysqan óńir sportshylarynyń kórsetkishi tym tómen bolǵanyn aıtty, dep habarlaıdy Egemen.kz.
«Qytaıda ótken Azııa oıyndarynyń qorytyndysy boıynsha, óńirlerdiń medal úlesi jaǵynan Qostanaı oblysy eń nashar nátıje kórsetti. Jergilikti sportshylar 1998 jylǵy oıyndardan keıin bıyl alǵash ret el qorjynyna birde-bir altyn, tipti kúmis medal da sala alǵan joq. Sonymen qatar jýyrda ǵana Astanada ótken bokstan Qazaqstan Spartakıadasynda da Qostanaı oblysynyń boksshylary fınalǵa jete alǵan joq. Bar-joǵy bir qola medal ıelendi. Bul – Qostanaı sııaqty bokstan birneshe álem jáne Azııa chempıonatynyń jeńimpazdaryn, Olımpıadanyń júldegerlerin tárbıelep shyǵarǵan óńir úshin óte uıatty jaǵdaı», dedi mınıstr.
Qostanaı oblystyq boks federasııasynyń basshylyǵyna bul máseleni jiti qadaǵalaýda ustaý qajettigin jetkizdi.