Biregeı ortalyq

Zamanaýı sáýlet úlgisimen salynǵan, aýdany 12 myń sharshy metr bolatyn úsh qabatty ǵımaratta sońǵy býyn­dy kompıýterlermen jab­dyqtalǵan kıbersport za­ly, ınjenerııa, gıdroponıka, akvaponıka kabınetteri, vırtýaldy shyndyq bólmesi, 3D modeldeý kabıneti, robottehnıka jáne kún bata­reıasy men jel generatorla­ry bar jańartylatyn qýat kózderi úıirmesi, 300 oryn­dyq májilis zaly, LED ekrany bar kovorkıng zaly, me­dıa qurylǵylarmen jab­dyq­talǵan oqý zaly, rejısserlik jáne akterlik sheberlik shyń­­daıtyn kabıneti bar. Oqý­­shylar saraıynda 1 300 da­ryndy balaǵa arnalǵan ǵy­lymı tehnıka, ekologııa jáne bıologııa, estetıka baǵyt­taryndaǵy 48 úıirme jumys isteıdi. Smart-ortalyq ashyl­ǵan kúni oblys ákimi Qumar Aqsaqalov arnaıy bas suǵyp, kabınetterdi aralap kórdi.

– Endi balalarǵa mektep­ten tys ýaqytta ǵylymı izdenistermen aınalysyp, bilimin arttyrýǵa, boıdaǵy qabiletti jetildirýge múm­kin­dik bar. Jańa ortalyq oqý­shylardyń bilim deńgeıin da­mytyp, respýblıkalyq, ha­lyq­aralyq bilim jarysta­ryna jıi qatysýyna jol asha­dy. Balanyń jan-jaq­ty damýyna jaqsy jaǵdaı jasalǵan mundaı ortalyqtar aýyl balalary úshin de aýadaı qajet. Bul máseleni biz aldaǵy ýaqytta aýdan ákimderimen birge talqylaıtyn bola­myz. Ol úshin jaqsy ǵımarat izdeý kerek, oblys qazynasynan qa­­rajat bólinýge tıis, – dedi ákim.

«Iqostanay» smart-orta­ly­ǵynda oqýshylardy ǵylymı tehnıkaǵa úıretetin 26 top, ekologııa men bıologııa bo­ıyn­sha 8 top, estetıkalyq ba­ǵyt boıynsha 14 top ashylady dep josparlanǵan. Ázir­she 850 ata-anadan ótinish túsip­ti. Jańa bilim mekemesine 84 adam turaqty jumysqa orna­lasqan.

– Bizde eńbek ótili joǵa­ry bilikti muǵalimder de, jańa kelgen jas mamandar da bar. Sonymen qatar S.Máýlenov atyndaǵy gımnazııa, fızıka-matematıka lıseıi sııaqty ın­novasııalyq mektepter­diń muǵalimderi de qosym­sha ju­mys isteıdi, – deıdi «Iqostanay» oqýshylar saraıy dırektorynyń mindetin at­­qa­rýshy Murat Nurjanov.

Qostanaı oblysy