Senattyń Ekonomıkalyq saıasat, ınnovasııalyq damý jáne kásipkerlik komıtetiniń otyrysynda Qazaqstandaǵy ınnovasııa qyzmetin damytý jáne jetildirý máseleleri talqylandy, dep jazady Egemen.kz.
«Memleket basshysy Qasym-Jomart Toqaev ınnovasııalyq ınfraqurylymdy qalyptastyrýda tıimdi sharalar qabyldaýdyń mańyzdylyǵyn atap ótken bolatyn. Bizdiń komıtet osyǵan baılanysty salany jetildirý jóninde quzyretti memlekettik organdarmen jumys júrgizip keledi. Ekonomıka salasy men zańnamalyq retteý jáne basqa da basym baǵyttardaǵy ınnovasııalyq tásilge nazar aýdarý qajet», dedi senator Súıindik Aldashev.
Sıfrlyq damý, ınnovasııalar jáne aeroǵarysh ónerkásibi mınıstriniń orynbasary Qanysh Tóleýshın elimizdegi ınnovasııalyq ekojúıeni damytý máseleleri týraly aıtyp berdi. Ol qarjylandyrýdyń azdyǵyna, monıtorıng tetikteriniń álsizdigine jáne tehnologııalyq tuǵyrnamalardyń damý qarqynyna baılanysty ınnovasııa deńgeıiniń tómendep ketkenin atap ótti.
Depýtattar otyrys barysynda óńdeý ónerkásibi salasyndaǵy ınnovasııalyq qyzmetti damytý máselelerin kóterdi. Sharaǵa sondaı-aq ǵylym jáne joǵary bilim, energetıka mınıstrlikteriniń, «Samuryq-Qazyna» AQ, «QazIndustry» qazaqstandyq ındýstrııa jáne eksport ortalyǵy» AQ ókilderi qatysty.
Komıtet tóraǵasy Súıindik Aldashev otyrysty qorytyndylaı kelip, kezdesý barysynda aıtylǵan barlyq usynystar pysyqtalatynyn jáne keıinnen Qazaqstandaǵy ınnovasııany damytý taqyryby boıynsha ótetin dóńgelek ústel jumysynda paıdalanylatynyn atap ótti.