Elimizde gazben júretin avtokólikter 2024 jyldyń 1 qańtarynan bastap arnaıy belgi ornatýy qajet, dep jazady Egemen.kz.
Saýda jáne ıntegrasııa mınıstrligi gaz jabdyǵy ornatylǵan avtokólikterde arnaıy belgi bolmasa qansha teńge kóleminde aıyppul salynatynyn aıtty.
«Tańba gaz jabdyǵymen jabdyqtalǵan avtokólikterge mindetti bolǵandyqtan, QR ÁQBtK-niń 620-babyna saı 3 AEK (10 350 teńge) kóleminde aıyppul qarastyrylǵan», delingen mınıstrlik habarlamasynda.
Búginde Qazaqstandaǵy 380 myńnan astam avtokólikke gaz jabdyqtary ornatylǵan. Osy sanattaǵy kólikter jańa jyldan bastap qara jıegi bar sary teńbúıirli úshburysh, onyń ishinde «GAS» dep jazylǵan, lep belgisi qoıylǵan erekshe belgini japsyrýy tıis.
Bul belgi avtokólik jabyq turaqtarǵa kirgende qaýipsizdik sharalaryn saqtaý maqsatynda ornatylady.