Fýtboldan Qazaqstannyń qyzdar quramasy Estonııa fýtbolshylaryna ese jiberdi. «Astana-Arena» stadıonynda ótken tartysty match 0:1 esebimen aıaqtaldy.
Ulttar lıgasy toptyq kezeńiniń 5-týr matchyn óz alańymyzda ótkizgen qyzdar eston fýtbolshylarynan utyldy. Oıynnyń 6-mınýtynda Bannıkovanyń soqqan goly Estonııa quramasynyń upaı oljalaýyna múmkindik berdi. Ulttyq quramanyń bas bapkeri Madııar Kembilov qyzdardyń alańǵa qaljyrap shyqqanyn, Vengrııada ótken oıynnan keıin tynyǵýǵa ýaqyt tapshy bolǵanyn aıtty. Endigi matchta jeńiske jetemiz dep sendirdi. Qyzdarymyz 5 jeltoqsanda Astana qalasynda Armenııa quramasyna qarsy oınaıdy.