“JOLDA QABYLDAÝ” JAÝAPKERShILIKTI UShTAIDY
Aqmola oblysynyń Esil qalasynda Ishki ister mınıstrliginiń Jol polısııasy komıteti men “Nur Otan” halyqtyq-demokratııalyq partııasynyń birlesken kezekti “Jolda qabyldaý” aksııasy ótkizildi. Mańyzdy sharaǵa Jol polısııasy komıtetiniń tóraǵasy, polısııa polkovnıgi Qaırat Tynybekov, “Nur Otan” HDP qoǵamdyq qabyldaý bóliminiń meńgerýshisi Jumajan Júkenov, respýblıkalyq Jol polısııasy komıteti ardagerler keńesiniń tóraǵasy Sadyr Ázbergenov, Esil aýdanynyń ákimi, “Nur Otan” partııasy aýdandyq fılıalynyń tóraǵasy Sergeı Erın, oblystyq IID bastyǵynyń orynbasary polısııa polkovnıgi Saǵatbek Nurahmetov, aýyldyq okrýgter ákimderi men partııa belsendileri, qalyń qaýym jáne BAQ ókilderi qatysty.
– Saparymyzdyń negizgi maqsaty Elbasy N.Nazarbaevtyń “Jańa onjyldyq – jańa ekonomıkalyq órleý – Qazaqstannyń jańa múmkindikteri” atty Qazaqstan halqyna Joldaýyndaǵy profılaktıkalyq jumystardyń jalpymemlekettik júıesin qurý týraly tapsyrmasyna sáıkes, respýblıkamyzdyń Ishki ister mınıstrligi tarapynan jol qaýipsizdiginiń aldyn alý salasynda tıisti sharalar atqarylyp jatqandyǵyn jurtshylyqqa jetkizý, – deıdi Q.Tynybekov. – Polısııaǵa júktelgen jumystyń negizgi ólshemi halyqtyń ishki ister organyna senimin nyǵaıtý, sondaı-aq, óz qyzmetinde azamattardyń konstıtýsııalyq quqyǵynyń saqtalýyn qamtamasyz etý bolyp tabylady. Munda qyzmettiń ashyqtyǵy men qoljetimdiligi, oǵan buqaranyń belsene aralasýy tabys tetigi sanalady. Sondyqtan “Jolda qabyldaý” aksııasy qoǵamnyń ortaq jaýapkershiligin kúsheıtetinine senimdimiz.
Jol polısııasy komıteti 2009 jyly Aqmola oblysynyń Qorǵaljyn, Arshaly, Selınograd, Ereımentaý aýdandarynda jáne Qaraǵandy, Pavlodar oblystarynyń eldi mekenderinde “Jolda qabyldaý” aksııasyn ótkizgen bolatyn. Oǵan 30 myńnan astam adam qatysyp, 6 myńǵa jýyq ótinish túsken. Aryz-shaǵymdardyń 5400-i qanaǵattandyrylyp, tıisti jaýaptar qaıtarylǵan. Bul kezdesýler negizinen nasıhattyq sıpat alsa, búgingi basqosý jurtshylyqpen ashyq pikir almasý jáne turǵyndardy jeke ótinishi boıynsha qabyldaý túrinde ótkizildi. Aýdandyq ákimdik ǵımaratyndaǵy aqparattyq stendiler, mektep oqýshylarynyń sýret kórmesi jáne jol polısııasynyń jas kómekshileriniń shaǵyn konserti jınalǵandar kóńilinen shyqty. Sonymen birge, usynys-tilekter jáshigi ornatylyp, suraý salý paraqshalary taratyldy. Jáshikter jurttyń kózinshe ashylyp, arnaıy qujattar resimdeldi.
Jınalǵandar aldynda sóılegen “Nur Otan” HDP Ortalyq apparatynyń bólim meńgerýshisi Jumajan Júkenov partııa qatarynda 800 myńǵa jýyq múshe barlyǵyn, qazirgi tańda sannan sapaǵa kóshýge mańyz berilip otyrǵanyn jetkizdi. Elbasy, partııa jetekshisi N.Nazarbaev árbir adamnyń ótinish-tilegi, aryz-shaǵymy muqııat qaralyp, tıisti sheshim qabyldanýyn tapsyryp otyr. Respýblıkamyzda jurtshylyqty qabyldaýdyń 258 bólimi jumys isteıdi. Bıylǵy tórt aıda 214 kóshpeli qabyldaý uıymdastyrylǵan. Jurtshylyqtyń partııalyq jumysty jetildirýge oraı usynystary men pikirleri jáne jeke basyna qatysty aryz-shaǵymdarynyń sany byltyrǵy sáıkes merzimmen salystyrǵanda 15 paıyzǵa artqan. Búgingi dástúrli sharanyń halyqpen baılanysymyzdy nyǵaıtýdaǵy yqpaly orasan. О́ıtkeni, memlekettik qyzmettiń ókilderi halyqtyń ortasyna kelip, olarǵa qolaıly múmkindik týdyrady, ózderi de jergilikti tirshiliktiń tynysyna qanyǵyp otyr, – dedi ol.
Aksııany uıymdastyrýshylar ótkizgen “Ashyq esik” kúninde Esil óńiriniń kóptegen azamattary ózderin tolǵandyryp júrgen máselelerge baılanysty naqty jaýaptar men tujyrymdy keńester aldy.
Baqbergen AMALBEK, Aqmola oblysy, Esil aýdany.
PROBLEMALARDY ShEShÝDEGI SERGEKTIK
Elbasynyń bıylǵy halyqqa Joldaýyn odan ári nasıhattaý men salamatty ómir saltyn qalyptastyrý baǵytyndaǵy jumystardy úılestirýdi maqsat etken “Nur Otan” halyqtyq-demokratııalyq partııasy oblystyq fılıaly men óńirdegi ishki ister departamenti, jol polısııasy basqarmasynyń uıymdastyrýymen “Jolda qabyldaý” aksııasy ótkizildi.
Elimizdegi memlekettik bıliktiń birden-bir bastaýy – halyq desek, olardyń Konstıtýsııany, soǵan sáıkes zańdardy, ózge de normatıvtik-quqyqtyq aktilerdi basshylyqqa alýy qoǵam damýyndaǵy alǵysharttardyń biri retinde qarastyrylǵan.
“Jolda qabyldaý” aksııasy kezinde osy máselelerge kóńil bólgen partııa músheleri men jol polısııasy ınspektorlary azamattarǵa quqyqtyq keńes berý jónindegi arnaıy býkletterdi taratyp, zań sheńberindegi jumystardy óristetti.
Jol boıyndaǵy halyqpen júzdesýler barysynda azamattardan 40-tan asa ótinish-shaǵym túsken. Olardyń arasynda jol polısııasy qyzmetkerleriniń jumysy men avtokólik joldarynyń búgingi jaıy, jolaýshylar tasymaldaý barysyndaǵy keleńsizdikter tizbelenip, problemalardy sheshýde sergektik tanytylatyny málimdeldi.
Kúmisjan BAIJAN, Almaty oblysy.
ISKER ÁIELDER BAS QOSTY
Semeıdegi Qazaq gýmanıtarlyq-zańgerlik ınnovasııalyq ýnıversıteti Prezıdent janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa jáne Shyǵys Qazaqstan oblystyq ákimdigimen birlese otyryp “Qazaqstandaǵy genderlik saıasat: bılik jáne qoǵam” degen taqyrypta halyqaralyq ǵylymı-praktıkalyq konferensııa ótkizdi.
Konferensııa jumysy Abaı atyndaǵy sazdy-drama teatrynda uıymdastyrylǵan “Qanatty áıel – 3” kórme-jármeńkesimen ashyldy. Oǵan elimizdiń túkpir-túkpirinen isker áıelder ázirlegen taýarlar qoıyldy. Jármeńkeniń maqsaty – jurtshylyq nazaryn genderlik máselelerge aýdarý, isker áıelderdi anyqtap, nasıhattaý, olardyń shyǵarmashylyq jáne kóshbasshylyq múmkindikterin ashý, halyqtyń genderlik sezimtaldyǵyn arttyrý bolsa, ol oryndalǵan da sekildi.
Konferensııanyń negizgi jumysy joǵaryda atalǵan ýnıversıtette ótti. Onyń jumysyna Prezıdent Ákimshiliginiń qyzmetkerleri, Prezıdent janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa músheleri, Parlament Májilisiniń depýtattary, sondaı-aq halyqaralyq jáne úkimettik emes uıymdardyń ókilderi, otandyq belgili ǵalymdar qatysty.
Konferensııaǵa qatysýshylar Reseı Úkimeti janyndaǵy ulttar isteri jónindegi keńes prezıdıýmynyń múshesi Raýshan Qanapıanovanyń, Parlament Májilisiniń depýtaty Aıgúl Solovevanyń, Fınlıandııa Respýblıkasynyń bizdiń elimizdegi Tótenshe jáne ókiletti elshisi Mıkko Kınnýnenniń sózderin zeıin qoıyp tyńdady.
Dáýlet SEISENULY, SEMEI.