Majarstan astanasy Býdapesht qalasynda hokkeıden jastar arasynda (U20) ótip jatqan álem chempıonatynda jerlesterimiz ekinshi oıynda da jeńiske jetti, dep habarlaıdy Egemen.kz.
I dıvızıonnyń A tobynda synǵa túsken hokkeıshiler Danııa jastar quramasyn 3:2 esebimen utty. Mine osy tartys aldyndaǵy eki eldiń ánurany oryndalatyn sátte Qazaqstannyń memlekettik gımnin uıymdastyrýshylar qosa almaı yńǵaısyzdyq ornaǵan. Jankúıerlerdiń «ózderiń shyrqańdar» degen nusqaýynan keıin muz aıdynynda saptaı tizilgen jastarymyz qolyn keýdesine qoıyp Ánurandy eshqandaı súıemeldeýsiz oryndap shyqty. Jas hokkeıshilerdiń tyǵyryqtan jol taba bilgen áreketine jankúıerler alǵysyn jaýdyrdy.