TMD-ǵa múshe memleketter dostyq armııalary arasyndaǵy armııalyq qoıan-qoltyq urys chempıonaty men Qazaqstan Qorǵanys mınıstriniń kýbogy úshin qoıan-qoltyq urystan ótken respýblıkalyq týrnırdiń qorytyndysy shyǵaryldy. Jaqsylyq Úshkempirov atyndaǵy jekpe-jek saraıynda Belarýs, Qazaqstan, Reseı jáne О́zbekstannan kelgen 180-nen astam sportshy qatysqan jarystyń jeńimpazdary men júldegerlerin marapattaý saltanaty ótti. Qorǵanys mınıstriniń kýbogy úshin Qazaqstan kúshtik qurylymdarynyń 16 qurama komandasy kúsh synasty.
Qorǵanys mınıstri general-polkovnık Rýslan Jaqsylyqov óz sózinde Memleket basshysy Qasym-Jomart Toqaev ult densaýlyǵyn nyǵaıtý men halyq arasynda buqaralyq sportty damytý máselelerine kóp kóńil bóletinin atap ótti.
General-polkovnık Rýslan Jaqsylyqov halyqaralyq qoıan-qoltyq jekpe-jek federasııasynyń prezıdenti Sergeı Astahovqa sporttyń osy túrin nasıhattaǵany úshin alǵysyn bildirip, sportshylardy baıraqty básekeniń aıaqtalýymen quttyqtady.
– Qoıan-qoltyq urys elimizdegi barlyq kúshtik qurylymdarda mańyzǵa ıe. Qarýly kúshterde áskerı qyzmetshilerdiń dene shynyqtyrý baǵdarlamasy pánderiniń biri bolyp tabylady. Bul áskerı qyzmetshilerdi shynyqtyryp, olardy myqty ári tózimdi etetin sport túri, – dep atap ótti mınıstr.
О́z kezeginde Halyqaralyq qoıan-qoltyq urys federasııasynyń prezıdenti Sergeı Astahov Qazaqstan Qorǵanys mınıstrliginiń basshylyǵyna is-sharany jaqsy uıymdastyrǵany úshin alǵysyn bildirdi.
– Aıazǵa qaramastan, biz sizderdiń júrek jylýlaryńyz ben qonaqjaı kóńilderińizge bólendik. Qazaqstan Halyqaralyq jarystardy ótkizýdi óz moınyna alyp otyr. Jýyrda ǵana biz osynda qoıan-qoltyq urystan álem chempıonatyn ótkizdik. Al búgin armııalyq qoıan-qoltyq urystan TMD chempıonaty ótip otyr. Munyń bári sporttyń barlyq salalarynyń damýyna sózsiz serpin beredi. Qazaqstan sporttyq qoıan-qoltyq urys, ózin-ózi qorǵaý jáne armııalyq qoıan-qoltyq urys boıynsha birlesken chempıonattar ótkizetin alǵashqy el bolyp otyr. Bul jaqsy dástúrge aınaldy jáne kelesi jyldan bastap Halyqaralyq federasııanyń barlyq iri jarystaryna armııalyq qoıan-qoltyq urysy da qosylmaq. Bul jerde, árıne, Qazaqstannyń eńbegi eleýli, – dep atap ótti ol.
TMD-ǵa qatysýshy memleketter dostyq armııalary chempıonatynyń qorytyndysy boıynsha komandalyq esepte Qazaqstan quramasy jeńiske jetti. Ekinshi oryndy Reseı komandasy enshilese, ózbekstandyq sportshylar úshinshi orynǵa ıe boldy.
Jeke birinshilikte 55 kelige deıingi salmaqta serjant Aıdyn Nurıdınov (Qazaqstan), 60 kelige deıingi salmaqta maıor Aman Shákirtov (Qazaqstan), 65 kelige deıingi salmaqta aǵa leıtenant Jánibek Sábıt (Qazaqstan), 70 kelige deıingi salmaqta serjant Andreı Lıashenko (Reseı), 75 kelige deıingi salmaqta serjant Olımjon Nomýrodov (О́zbekstan), 80 kelige deıingi salmaqta kýrsant Temirhan Hasanov (Reseı), 85 kelige deıingi salmaqta serjant Azamat Asylbekuly (Qazaqstan), 85 keliden joǵary salmaqta leıtenant Rýslan Gabaraevtar (Reseı) chempıon atandy.
Sonymen birge reseılik sportshy Rýslan Gabaraevqa «Úzdik tehnıka» nomınasııasy berildi. Al «Jeńiske degen jigeri úshin» nomınasııasyna ózbek sportshysy serjant Shohrýz Sharıfov ıe boldy. Ádil tóreshilik jasaǵany jáne sporttyq qaǵıdattardy múltiksiz oryndaǵany úshin jarys tóreshisi, QR Qorǵanys mınıstrligi Ortalyq sport klýby sporttyq is-sharalardy uıymdastyrý bóliminiń ofıseri aǵa leıtenant Nurbol Saıabaev gramotamen marapattaldy.
Qazaqstannyń kúshtik qurylymdary arasyndaǵy qoıan-qoltyq urystan QR Qorǵanys mınıstriniń kýbogyn Qorǵanys mınıstrliginiń komandasy jeńip aldy. Ekinshi oryndy Memlekettik kúzet qyzmetiniń quramasy ıelense, Ishki ister mınıstrliginiń komandasy úshinshi oryndy mise tutty.
Jeke esepte áıelder arasynda 52 kelige deıingi salmaq dárejesinde efreıtor Aıan Tursyn (Ortalyq sport klýby), 64 kelige deıingi salmaq dárejesinde aǵa leıtenant Amına Shaımenova (Memlekettik kúzet qyzmeti), 70 kelige deıingi salmaq dárejesinde aǵa leıtenant Gúlbaný Samatova (IIM) chempıon atandy.
Erler arasynda 57 kelige deıingi salmaq dárejesinde serjant Jandos Madehııanov (Qorǵanys mınıstrligi), 62 kelige deıingi salmaq dárejesinde kapıtan Ashat Jylysbekov (QR Sybaılas jemqorlyqqa qarsy is-qımyl agenttigi), 67 kelige deıingi salmaq dárejesinde kapıtan Amanbek Jamanqaraev (IIM), 73 kelige deıingi salmaq dárejesinde serjant Aslan Oraz (Memlekettik kúzet qyzmeti), 80 kelige deıingi salmaq dárejesinde maıor Asylbek Smaıylov (Memlekettik kúzet qyzmeti), 88 kelige deıingi salmaq dárejesinde leıtenant Arman Ermenbet (Qorǵanys mınıstrligi), 97 kelige deıingi salmaq dárejesinde aǵa leıtenant Meırambek Almaty (Memlekettik kúzet qyzmeti), 97 keliden joǵary salmaq dárejesinde aǵa leıtenant Jaras Ilııasov (Memlekettik kúzet qyzmeti altynnan alqa taqty.