Jelide taǵamdy asyra siltep jarnamalaǵan sportshylar men blogerlerdiń aqparaty tekserildi. Tekserý qorytyndysynda Almaty oblysy prokýratýrasy quramynda jarnamada aıtylǵan belsendi qospalary joq, burys aıtylǵan deregi úshin birneshe óndirýshi kompanııany jazaǵa tartty, dep jazady Egemen.kz.
Prokýratýranyń baspasóz qyzmeti mysal retinde, jelide «NEOSAUMAL, SAUMAL» sýblımattaý ádisimen qurǵatylǵan bıe súti qant dıabetin, onkologııalyq jáne basqa aýrýlardy emdeıtin biregeı ónim retinde belsendi jarnamalanǵan ónimniń atalǵan aýrýlardy emdeıtin qospasy joq ekenin anyqtady.
Atalǵan ónimdi usynatyn kompanııaǵa «Kórineý jalǵan jarnama» boıynsha ákimshilik quqyq buzýshylyq týraly hattama toltyrylyp, 603 750 teńge aıyppul arqalady.
Prokýratýra ónimniń quramyn anyqtamaı, nátıjesine shynaıy kóz jetkizbeı jarnama jasaıtyn bloger, ártis, sportshylar da jazasyz qalmaıtynyn eskertti.