Almaty oblysy Eńbekshiqazaq aýdany Shelek aýylynda janarmaı quıý beketteriniń birinde iri órt shyqty, dep habarlaıdy Egemen.kz.
Oqıǵa ornynan túsirilgen vıdeo áleýmettik jelide tarap jatyr. Oblystyq Tótenshe jaǵdaılar departamenti 14 jeltoqsan kúni saǵat 19:22-de kezekshi bólimshege operatordyń janar-jaǵarmaı quıý stansııasy men jaqyn mańdaǵy jalpy kólemi 30 tekshe metrdi quraıtyn sısternalardan órt shyqqany týraly aqparat túskenin habarlady.
«Oqıǵa ornyna Almaty oblysy Tótenshe jaǵdaılar departamentiniń kúshteri men quraldary jóneltý sheniniń joǵarylaýy boıynsha jiberildi, barlyq tótenshe jaǵdaılar qyzmeti ózara is-qımyl jasady. О́rt 20:15-te anyqtalyp, 21:41-de 80 sharshy metr aýmaqta sóndirildi. Shuǵyl qabyldanǵan sharalar janar-jaǵarmaı quıylǵan sısternalardyń jarylýynyń jáne órttiń jaqyn mańdaǵy janar-jaǵarmaı quıý stansııasyna (30 metr qashyqtyqta), shaǵyn bazarǵa (10 metr) jáne turǵyn úı sektoryna (15 metr) taralýynyń aldyn aldy», dep atap ótti Tótenshe jaǵdaılar departamentiniń baspasóz qyzmeti.
О́rt saldarynan janarmaı quıýshy avtosısternanyń 1967 jyly týǵan júrgizýshisi ortasha termııalyq kúıik alǵan. Alǵashqy medısınalyq kómek kórsetilgennen keıin ol aýrýhanaǵa jatqyzýdan bas tartty.
О́rttiń shyǵý sebepteri anyqtalyp jatyr. Sóndirý jumystaryna 20 qyzmetker men segiz birlik avarııalyq-qutqarý tehnıkasy, polısııa qyzmetkerleri men jedel medısınalyq brıgada jumyldyryldy.