Atyraý oblysynyń prokýratýrasy tabıǵatty paıdalaný sýbektileriniń ekologııalyq zańnama talaptarynyń saqtalýyna taldaý júrgizip, talapty buzǵan eki kompanııa ákimshilik jaýapkershilikke tartyldy, dep habarlaıdy Egemen.kz Atyraý oblystyq prokýratýranyń baspasóz qyzmetine silteme jasap.
«Taldaý sheńberinde parnıktik gazdar kvotasynan asyp ketý, emıssııany ekologııalyq ruqsatsyz júzege asyrý, sondaı-aq ruqsat etilgen shyǵaryndylar normalarynan asyp ketý jáne jerdiń lastaný faktileri anyqtaldy. Engizilgen prokýrorlyq qadaǵalaý aktileriniń nátıjecimen «Karabatan Utility Solutions» JShS jáne «Teńizshevroıl» JShS ákimshilik jaýapkershilikke tartyldy», delingen habarlamada.
Prokýratýranyń qabyldaǵan uıǵarymy boıynsha sot eki kompanııany kináli dep tanyp, 10,7 mıllıard teńge aıyppul óndirildi.