Jańa formasııadaǵy zańdar qajet

О́z sózinde Máýlen Áshimbaev elimiz­de Mem­leket basshysynyń bastamasymen keshen­di reformalar iske asyrylyp jat­qanyn atap ótti. Olardyń negizgi maqsaty – Qazaq­standy ádiletti, demokratııalyq, ınklıý­zıvti memleket retinde qalyptastyrý. Refor­malar­­dyń tıimdiligi jáne olardyń durys júze­ge asyrylýy negizinen qabyl­danǵan zań­darǵa baılanysty. Osyǵan oraı ǵyly­mı-saraptamalyq qoǵamdastyqty ońtaı­ly zańnamalyq sheshimderdi tabýǵa jumyl­dyrýdyń mańyzy artyp keledi. Bul rette Parlament Senatynyń Jobalyq keńsesi men Maqsut Narikbayev University zań da­ıyndaý úderisine akademııalyq ortany tarta otyryp, saraptamalyq dıalogtiń negizgi alańyna aınalýdy kózdeıdi.

«Prezıdentimizdiń barlyq bastamalaryn sátti iske asyryp, Ádiletti Qazaqstan baǵdarlamasyn tıisti deńgeıde oryndaý úshin zańdarymyzdyń sapasy óte joǵary bolýǵa tıis. Sondyqtan bizge, eń aldymen, jańa formasııadaǵy zańdar qajet. Ekinshiden, Ádiletti Qazaqstan­dy bárimiz birge qalyptastyramyz. Al Ádiletti Qazaq­stan degenimiz – ınklıýzıvti Qazaqstan. Osy­ǵan baılanysty zań­dar­dy ázirleý kezinde áleý­mettik toptar­dyń pikirleri de eskerilýi kerek. Úshinshiden, zańnamalyq jumystarǵa jańa tásilder men tetikterdi engizý qajet. Bul rette Jobalyq basqarýdyń mańyzy zor. Ol arqyly biz zań jobalaryn ázirleýge quzy­retti mamandardy jumyldyra alamyz. Sol ar­qyly zańdardyń ózektiligi men sapasy ar­ta­dy. Jalpy, mundaı Jobalyq keńseni táýel­siz alańnyń negizinde qalyptastyrǵan jón», degen Palata spıkeri múddeli taraptardy osy baǵytta birlesip jumys isteýge shaqyrdy.

Sondaı-aq ol sońǵy eki jylda Par­lament 170-ten astam zań qabyldaǵanyn tilge tıek etti. Aldaǵy ýaqytta Salyq, Bıýdjet jáne Sý Kodeksteri qabyldanady. Barlyq qujat saıası júıeni jańǵyrtýǵa, ekonomıkamyzdy jandandyrýǵa jáne halyqtyń ál-aýqatyn arttyrýǵa arnalǵan.

О́z kezeginde atalǵan ýnıversıtettiń basqarma tóraǵasy Talǵat Nárikbaev oqý orny­nyń normalar shyǵarýǵa qatysty ju­mysy men tájirıbesine toqtalyp, Joba­lyq keńse qyzmetiniń keleshegine nazar aýdardy.

«Biz birneshe jyl boıy zań jobalaryna ǵylymı jáne sybaılas jem­qorlyqqa qarsy saraptama júr­gizdik. Ǵalymdarymyz Parlament pen Úkimettiń shaqyrýlary boıynsha jańa nor­malardy talqylaýǵa arnalǵan jumys otyrys­taryna belsendi qatysyp keledi. Qazirgi tańda ýnı­versıtetimizdiń «think tank» formatynda ártúr­li saladaǵy qol­dan­baly ǵylymı zert­teý­lerdi gene­rasııa­laýǵa arnalǵan jeke zert­teý jáne taldaý ortalyǵyn quryp jatyr­myz. Bul hab jas ǵalymdarǵa qolaıly jaǵdaı tý­ǵy­­­zyp, motıvasııa beredi dep senemiz. Par­la­ment Se­natynda osyndaı mańyzdy maqsatty kóz­­deı­­tin Jobalyq keńseniń jumys isteıtini qýan­­tady. Aldaǵy ýa­qyt­ta Senat pen MNU-diń múm­­kin­dik­teri jáne áleýeti Qazaqstan halqy­nyń ıgi­ligin kózdeıtin sapaly zań jobalaryn ázir­leýge tyń serpin beredi dep senemin», dedi T.Nárikbaev.

Otyrystyń nátıjesinde Yntymaqtas­tyq jónindegi memorandýmǵa qol qoıyl­dy. Qujat­ta zańnamalyq bastamalardy ázir­leý jáne ilgeri­letýde, birlesken sarap­tamalyq kez­desý­ler men talqylaý­lar ót­kizýde, sondaı-aq basqa da ózara is-qımyl barysynda taraptardyń bir-birine konsýltasııalyq jáne saraptama­lyq qoldaý kórsetýine qatysty erejeler qarastyrylǵan.

Sonymen qatar is-sharada MNU qyl­mystyq sot tóreligi jáne ǵylymı saraptama máseleleri jó­nindegi ǵylymı-zertteý jobalarynyń jetek­shisi Marat Qoǵamov, zań ǵylymdarynyń dok­tory, professor Isıdor Borchashvılı, depý­tat­tar, Senat janyndaǵy Jas sarapshy­lar klýby­nyń músheleri, basqa da qatysý­shy­lar sóz alyp, qozǵalǵan taqyryp boıynsha óz pikirlerin bildirdi.