TIIMDILIK EKINShI EL ESEBINEN BOLMAÝY TIIS

Májilis Tóraǵasy Oral Muhamedjanovtyń jetekshiligimen sársenbi kúni ótken palatanyń kezekti plenarlyq otyrysynyń kún tátibinde on jeti másele qaralsa, sonyń basym bóligi Keden odaǵynyń kelisimderi men hattamalaryn ratıfıkasııalaýǵa qatysty zań jobalary boldy. Bul joly da depýtattar áýeli ádettegisinshe saýaldaryn joldap, kelesi kezekte Respýblıkalyq bıýdjettiń atqarylýyn baqylaý jónindegi esep komıtetiniń tóraǵa­sy usynyp, spıker qoldaý bildir­gen M.Sátqalıevti atalǵan komıtet músheligine 5 jylǵa taǵaıyndaýǵa óz kelisimderin berdi. Azamattardy ustaý negizderi men tártibin bekitý máseleleri boıynsha keıbir zańnamalyq aktilerge óz­gerister men tolyqtyrýlardy qa­ras­tyratyn zań jobasyna depýtat­tar erekshe den qoıdy. Zańdyq qujatta kámeletke tolmaǵandardy ýaqytsha oqshaýlaý, beıimdeý jáne ońaltý ortalyqtarynda, ózge de oryndarda alkogolızmdi, nashaqor­lyqty jáne ýytqumarlyqty máj­búrlep emdeýge arnalǵan maman­dan­dyrylǵan emdeý-profılak­tıkalyq mekemelerde adamdardy ustaý ne­gizderi men tártibi qarastyrylǵan. Vladımır Nehoroshev elimizde resmı 55 myń nashaqordyń tirkeýde ekenin aıta kelip, esirtki zattaryn tutynýshylardy qylmystyq jazaǵa tartý jaıyn sóz etti. Qazaqstan alkogol ónimderin tutynýdan álemde 8-orynda ekendigin ashyna jetkizdi. Iаǵnı, ishimdik ishý bir qazaq­stan­dyqqa shaqqanda jylyna 12 lıtr­den keledi eken. Bul – 22-orynda turǵan Reseıdegige qaraǵanda 1,5 lıtrge kóp. Atalǵan zańdyq qujat biraz talqyǵa túsken soń birinshi oqylymda maquldandy. Budan basqa depýtattar Keden odaǵyna qatysty zań jobalaryn talqyǵa salǵandyǵyn joǵaryda aıtyp óttik. Olar boıynsha baıan­da­many Qarjy mınıstri Bolat Jámishev jasady. Kelisimge sáıkes elimiz 7,33 paıyz, Belorýssııa – 4,7, al Reseı 87,97 paıyz baj saly­ǵyn bóliske salatyny kózdelse, Belorýs­sııa bas tartqannan keıin Reseı 92 paıyz, al Qazaqstan 7,8 paıyzdyq úleske ıe bolatyny belgili bolyp otyr. Osyǵan oraı Kenjeǵalı Sa­ǵadıev qoǵamda bó­listiń qanshalyqty ádiletti ótken­digi týraly kóp sóz bolyp jatqan­dyǵyn aıta kelip, osy saýaldy Qarjy mınıstrine baǵyt­tady. Bolat Bıdahmetulynyń sózine qaraǵanda, baj salyǵy kóp bolǵan saıyn ol Qazaqstan ekonomıkasy­nyń múddesine jaýap beredi. My­sa­ly, 2009 jyly úsh elden 17 mıl­lıard dollar baj salyǵy jı­na­lypty. Importta qazaqstandyq úles bar-joǵy 3,5 paıyzdyq úleske qurylsa, odaqqa enisimen onyń kóle­mi 2 ese artady eken. Al qazir belgili bolǵanyndaı, Qazaqstanǵa keletin ımport kólemi kemip, ol Reseıde arta bastaǵan. Bireýge tıim­di rejim ekinshiniń esebinen bola­tyny qaperge alynyp, bul másele áli alda talaı pysyqtalatyny aıtyl­ǵan soń, depýtattar barlyq zań jobalaryn qoldap daýystaryn berdi. Asqar TURAPBAIULY.