Ádilet mınıstri Azamat Esqaraev áıelin óltirdi degen kúdikke ilingen Qýandyq Bıshimbaevqa qatysty saraptamalar qalaı ótip jatqanyn, sońǵysy qashan aıaqtalatynyn aıtty, dep jazady Egemen.kz.
Burynǵy Ulttyq ekonomıka mınıstri Qýandyq Bıshimbaevtyń isi boıynsha barlyǵy 12 saraptama taǵaıyndalǵany belgili.
«Biz quqyq qorǵaý organdaryna 11 saraptama qorytyndysyn jiberdik. Jaqynda 12-shi saraptama kelip tústi. Ol boıynsha tıisti jumystar júrgizilip jatyr. Qajetti jumystar oryndalǵan soń belgilengen tártippen Ishki ister mınıstrligine jiberemiz. Saraptama 30 kún boıy júrgizilýi múmkin», dep túsindirdi Azamat Esqaraev.Osy tusta Ádilet mınıstri Bıshimbaevqa qatysty qandaı saraptamalar júrgizilip jatqanyn aıtýdan bas tartty.
«Bul qylmystyq prosestiń qupııasy», dep qysqa qaıyrdy ol.
Vedomstvo basshysy tilshilerdiń «Qýandyq Bıshimbaev ómir boıyna bas bostandyǵynan aıyrylýy múmkin be?» degen suraǵyna da jaýap bermedi.
Eske sala ketsek, Bıshimbaevtyń ákesi otandyq jýrnalısterge shaǵymdanyp, Ishki ister mınıstrligine aryzyn joldaǵan edi. Azamat Esqaraev bul máselege qatysty pikir bildirýden bas tartty.