Qolaısyz meteorologııalyq ahýaldarǵa baılanysty QTJ jedel shtaby basqa kólikpen dittegen jerine jete almaǵan jolaýshylardy múmkindiginshe qala mańyndaǵy poıyzdarmen áketý týraly sheshim qabyldady, dep jazady Egemen.kz.
«Jolaýshylar tasymaly» AQ baspasóz qyzmetiniń málimetinshe, olarǵa turyp turatyn oryndar usynyldy. Kókshetaý, Qaraǵandy, Pavlodar t.b. qalalarǵa jaqyn baǵyttar boıynsha Astanadan qosymsha 2000 orynǵa deıin ulǵaıtyldy.
Jalpy, jańa jyldyq merekege 26 jeltoqsannan 2024 jylǵy 5 qańtarǵa deıin qosymsha poıyzdar men tirkeme vagondardy taǵaıyndaý esebinen 20 myń orynǵa deıin ulǵaıtý uıymdastyrylǵan.
Vokzaldar men poıyzdarda jolaýshylar aǵynynyń kúrt óskenin eskere otyryp, «Jolaýshylar tasymaly» AQ saparlaýdan bas tartýdy usynady jáne jolaýshylardyń qaýipsizdigin qamtamasyz etýge baǵyttalǵan qabyldanyp jatqan sharalarǵa túsinistikpen qaraýdy surady.
Qolaısyz aýa-raıy kezinde temirjol kóligi jolaýshylardy tasymaldaýdyń birden-bir qoljetimdi balamasy bolyp qala beredi. Sebebi avtomobıl qozǵalysy men áýe qatynasy ýaqytsha toqtatyldy. Aqmola, Jambyl, Jetisý, Qaraǵandy, Qostanaı, Pavlodar, Soltústik Qazaqstan, Túrkistan, Ulytaý oblystary jol ýchaskelerine shekteýler engizilgeni málim bolyp otyr.