Jyl sońynda el rýhanııaty taǵy da jaǵymdy jańalyqpen tolyqty. Haınan aralynda ótken Boao 6-halyqaralyq poezııa festıvaliniń bas júldesi Qazaqstanǵa buıyrdy. Poezııa syılyǵynyń «Úzdik jetistik» atalymyn qazaq aqyny Ulyqbek Esdáýlet enshiledi.
Boao halyqaralyq poezııa festıvali, Dúnıejúzilik poezııa qozǵalysy jáne Azııa poezııasyn damytý qory sııaqty 10 uıymnyń bastamasymen, altynshy «Boao halyqaralyq poezııa syılyǵyna» úmitkerlerdi irikteý osy jyldyń 11 sáýirinde bastalyp, 10 qyrkúıekte aıaqtalǵan bolatyn. Dástúr boıynsha «Úzdik jetistik» atalymynyń ıegeri qazylar alqasynyń usynýymen daýysqa salý arqyly anyqtalady.
Aıta keteıik, Boao halyqaralyq poezııa syılyǵy 2018 jyly taǵaıyndalǵan. Syılyq dúnıe júzinde poezııa shyǵarmashylyǵyn órkendetýge, qytaı poezııasynyń ınternasıonaldanýyn ilgeriletýge baǵyttalǵan. Syılyq ıegerlerin anyqtaýǵa Qytaı poezııa mektepteri jelisiniń bastamasymen onnan astam qytaılyq jáne sheteldik poezııa (ádebı) ınstıtýty atsalysady.