Jańa jylda elimiz jaqsylyqtan-jaqsylyqqa jete bersin. Prezıdentimizdiń kópvektorly saıasaty arqyly biraz el-jermen qaýyshyp júrmiz. Munyń bári, árıne, jaqsylyqtyń nyshany. О́ner-bilimniń, ádet-ǵuryp, salt-sananyń jandanýyna kóptegen jumys atqarylyp jatyr. El qamyn oılap júrgen azamattardyń deni saý bolsyn, joldary ashyq bolsyn. О́sip kele jatqan baldyrǵandar rýhty bolyp, damı bersin. Men ustaz bolǵandyqtan árbir oqýshynyń zeıini ashylyp, jańa bıikke úzdiksiz qulash urǵanyn kórgim keledi. Bir jyldary oqýshylarymmen birigip Amerıkaǵa, Italııaǵa bardyq. Sonda Boston degen qalada bir ýnıversıtette boldyq. Dúnıe júzindegi myqty eki-úsh ýnıversıtet bolsa, sonyń biri eken. Mine, sondaı damyǵan jerdiń ishki bilim júıesin kórip tańdaı qaqtyq. Biz de sondaı alyp oqý oryndarynan úırenip, urpaq sanasyn jańǵyrta alsaq, elimizge eńbegimizdi sińirsek degen tilek kókeıimde ár kez turady.
Prezıdenttik stıpendııa alyp jatyrmyn. Eńbegimdi osylaı elep, qoldaý kórsetip jatqan azamattarǵa rahmet. Boıymda kúshim barda Otanymnan bar jaqsylyǵymdy aıamaımyn. Jastarǵa, shákirtterime bıik parasat tileımin. Ult rýhy bıik bolǵaı!
Aıtjan Toqtaǵan,
kúıshi, professor