Kólik qatynasyn retteý talqylandy

Kólik mınıstri Marat Qa­rabaev qazirgi ýaqytta barlyq áýejaı shtattyq rejimde ju­mys istep turǵanyn aıtty. Áýe kemelerin qabyldaýǵa jáne shyǵarýǵa eshqandaı shekteýler joq. Sonymen qatar 29-31 jeltoqsan aralyǵynda Astanada aýa raıy kúrt buzyldy: qalyń qar jaýyp, boran soqty, jeldiń jyl­damdyǵy sekýndyna 26 metr­ge jetti. Sonyń saldarynan 100-den astam reıs keshiktirildi. Qajetti sharalardy qabyldaý úshin áýejaı, avıakompanııa jáne meteorologııalyq qyzmet ókilderiniń qatysýymen jedel shtab jumys istedi.

Atap aıtqanda, jolaýshylar ystyq tamaqpen qamtamasyz etil­di, qajet bolǵan jaǵdaıda me­dı­sınalyq qyzmet kórsetildi, olardyń bir bóligi (balalar, qarttar, múgedektigi bar adamdar) qonaqúılerge ornalastyryldy, balalarǵa anımatorlardyń qatysýymen jańajyldyq syı­lyqtar men táttiler taratyldy. Bul rette áýekompanııalar 29 jeltoqsan men 2 qańtar ara­lyǵynda keshiktirilgen jáne toqtatylǵan reısterge bıletter qunyn 100% qaıtarady.

Aldaǵy ýaqytta reısterdiń uzaqmerzimdi keshigý qaýpin azaıtý úshin áýe­ko­m­­panııalar men áýejaılar arasyn­daǵy úılestirý kúsheıtiledi, atap aıt­qan­da, kúr­deli meteojaǵdaılarda jo­laý­shy­lardy tasymaldaý úshin is-qı­myl algo­rıt­min ázirleý jos­parlanyp otyr. Budan basqa áýe­jaılardy arnaıy teh­nı­­ka­men jáne qural-jabdyqtarmen qo­sym­­sha jaraqtandyrý, sondaı-aq jo­­laý­­shylarǵa habarlamalar taratýdy kúsheıtý máseleleri pysyqtalady.

Mereke qarsańynda avtomo­bıl kóligine júkteme aıtar­lyq­taı ósti. 28 jeltoqsan men 2 qań­tar aralyǵynda elimizdiń sol­tústik-shyǵys jáne ortalyq bó­liginde qar aralas jańbyr jaýyp, jeldiń ekpini sekýndyna 30 metrge deıin jetti. Jol qoz­ǵalysy qıyndap, 13 oblysta 107 qysqamerzimdi jol qozǵalysyna shekteý qoıyldy.

Jaǵdaıdy táýlik boıy baqy­lap, qajetti sharalardy qabyl­daý maqsatyn­da jedel shtab ju­mys istedi. Jol qyz­metteri ákim­diktermen jáne polısııamen bir­lesip, Astana men Qaraǵandy, Astana men Kókshetaý arasynda 47 avtokolonnany alyp júrýdi uıymdastyrdy. Bul qolaısyz aýa raıy jaǵdaıynda 42 myń kóliktiń ótýin qamtamasyz etýge múmkindik berdi. Bul rette jabylǵan joldardy táýlik boıy tazalaýǵa 422 birlik jol-paıdalaný tehnıkasy jáne 700-den astam adam jumyldyryldy.

Mereke kúnderi jolaýshy­lardy temirjol kóligimen ta­symal­daý turaq­tylyǵyn qam­tama­syz etý maqsatynda joǵary sura­nysqa ıe poıyzdarda oryn sany ulǵaıtyldy. 12 baǵyt boıynsha qosymsha 296 tirkeme vagon jiberildi. Astana – Almaty – Astana jáne Astana – Shymkent – Astana baǵyttary boıynsha qosymsha poıyzdar jumys istep jatyr. Astana – Kókshetaý, As­tana – Býrabaı, Astana – Atba­sar jáne Pavlodar – Astana baǵyt­tary boıynsha 6 qosymsha qala mańyndaǵy poıyz iske qosyldy.

О́ńirlerde qabyldanǵan sharalar týraly Qaraǵandy oblysynyń ákimi Ermaǵanbet Bólekpaev, Jambyl oblysynyń ákimi Erbol Qarashókeev jáne Aqmola oblysynyń ákimi Marat Ahmetjanov baıandady.

Premer-mınıstr 25 jel­toq­sannan bastap elimizdiń bar­lyq óńirinde aýa raıy kúrt buzylǵanyn atap ótti. Aýa raıy­na baılanysty 150-ge jýyq eskertý jarııalanyp, kólik joldarynda qozǵalys toqtady jáne shekteldi.

«Jalpy, ortalyq jáne jer­gi­likti memlekettik organdar úı­lesimdi jumys júr­gizdi. Sondaı-aq qaıǵyly oqıǵalar­dyń aldyn alý úshin jekelegen vedomstvolar men uıymdardyń ózara is-qımylyn kúsheıtý kerek», dedi Álıhan Smaıylov.

Úkimet basshysy barlyq úılestirý shtabynyń jumysyn jandandyrýdy, kólik joldary men eldi mekenderdegi kóshe­lerdi qardan táýlik boıy tazartyp oty­rýdy, sondaı-aq jo­laý­shylar­dy jylytý beket­terine shuǵyl evakýasııalaý úshin kólik quraldarynyń qoryn qalyp­tastyrýdy talap etti.

«Kólik mınıstrligi men «QazAvto­Jol» kompanııa­sy respýblıkalyq jáne halyq­aralyq mańyzy bar avtojoldarda qaýipsiz jol qozǵalysyn qamtamasyz etýdi erekshe baqy­laýǵa alýy kerek. TJM Mádenıet jáne aqparat mınıstrligimen bir­lesip, qolaısyz aýa raıy tý­ra­ly halyqty aldyn ala habar­dar etýi tıis», dedi Premer-mınıstr.

Sonymen qatar Álıhan Smaıylov shekteýler kezinde kólik quraldarynyń qozǵalysyna jol bermeý jónindegi jumysty kúsheıtýdi jáne qajet bolǵan jaǵdaıda arnaıy tehnıkany kúrdeli jol ýchaskelerine jedel jiberýdi tapsyrdy.