Aqpan aıynda Bolgarııa eliniń astanasy Sofııada bokstan dástúrli «Strandja» týrnıri ótedi. Osymen 75-ret uıymdastyrylatyn «Kishi álem chempıonaty» atanyp ketken týrnırge bokstan Qazaqstan quramasy da qatysady.
2-12 aqpan aralyǵynda ótetin týrnırde baq synaıtyn boksshylar qatarynda jaqynda áskerı antyn bergen álem chempıony Sanjar Táshkenbaı da bar. Bas bapker Myrzaǵalı Aıtjanovtyń aıtýynsha, jarys bastalǵanǵa deıin quramda az-kem ózgeris bolýy da múmkin. Sonymen «Strandja» týrnırine qatysatyn el quramasy: Sanjar Táshkenbaı (51 kg), Dáýlet Moldashev (54 kg), Orazbek Asylqulov (57 kg), Rýslan Kúzeýbaev (60 kg), Erasyl Tankaı (63,5 kg), Dýlat Bekbaýov (67 kg), Talǵat Sháıken (71 kg), Nurqanat Raıys (75 kg), Tursynbaı Qulahmet (80 kg), Abzal Quttybekov (86 kg), Saǵyndyk Toǵambaı (92 kg).