Elordalyq «Astana» sapynda dop tepken 4 fýtbolshy komandadan ketti, dep jazady Egemen.kz prosports.kz-ke silteme jasap.
Endi Jarko Tomashevıch, Aslan Darabaev, Stepan Lonchar jáne Dembo Darbo «Astana» komandasynyń oıynshylary emes.
Chernogorııadan kelgen qorǵaýshy Jarko Tomashevıch «Astana» qataryna 2019 jyly qosylǵan edi. Tomashevıch negizgi quramda barlyǵy 78 match ótkizgen. Osy oıyndar barysynda 7 gol soqty, 1 nátıjeli pas berdi. Ol «Astana» quramasynyń sapynda Qazaqstan chempıonatynda bas júlde alyp, ÝEFA Eýropa lıgasy men Konferensııa lıgasynyń toptyq kezeńine ótti.
Qazaqstan quramasynyń jartylaı qorǵaýshysy Aslan Darabaev «Astana» fýtbol klýbyna 2021 jyldyń basynda qosylǵan. Ol 2022 jyly el chempıony atanýǵa úles qosty, ÝEFA Konferensııalar lıgasynyń toptyq kezeńine shyǵýǵa at salysty. Osy ýaqyt aralyǵynda Darabaev komanda sapynda 50 oıyn ótkizdi, 3 gol soǵyp, 7 nátıjeli pas berdi.
Bosnııalyq jartylaı qorǵaýshy Stepan Lonchar 2023 jyldyń shildesinde «Astana» fýtbol klýbynyń oıynshysy atandy. Ol komandamen birge Konferensııa lıgasynyń toptyq kezeńinde oınady. «Astana» fýtbol klýbynyń jeıdesimen 18 kezdesý ótkizip, 1 gol soǵyp, 1 nátıjeli pas bergen.
Gambııalyq shabýylshy Dembo Darbo da klýbpen qoshtasty. Ol ótken jyldyń maýsym aıynda elordalyq klýbqa qosyldy. Barlyǵy 42 oıyn ótkizip, 11 gol soǵyp, 2 nátıjeli pas berdi.