Aýstralııanyń Ballarat qalasynda 2-8 qańtar aralyǵynda ótken Álemdik Virtus Cycling World Series 2024 dodasynda otandasymyz Dastan Ordabaı eki túrli qashyqtyqtan 2 altyn medal jeńip aldy.
Búkil álemniń myqty velosıpedshileri baq synaǵan jarysqa Qazaqstannan aýtıstik spektr ereksheligi bar paraatlet Dastan Ordabaı usynyldy. Dastan ii-3 (zerdesi zaqymdalǵan) sanat boıynsha 18,8 km qashyqtyqtaǵy jeke jarysta ýaqytqa (Time trial) jáne 5,5 km qashyqtyqta krıterıýmge (Criterium) qatysty. Nátıjesinde, atalǵan qashyqtyqtan aldyna jan salmaı, bas júldeni oljalady.
«Dastan Ordabaı óz eline eki altyn jeńip, tuńǵysh azııalyq aýtıst sportshy atanyp, Qazaqstan tarıhyna esimin qaldyrdy», dep atap ótti Intellektýaldyq buzylýy bar adamdarǵa arnalǵan sport federasııasynyń prezıdenti Dına Temirǵalıeva.