Kásibı tennısshiler qaýymdastyǵy (ATP) alǵash ret Astanadan Almatyǵa ATP 250 týrnırin aýystyrý týraly sheshim qabyldady.
ATP saıtynda jarııalanǵan kúntizbege sáıkes Almaty Open 2024 jyldyń 13-20 qazan aralyǵynda ótedi. «Almaty ATR 250 serııasymen ótetin týrnırdi qabyldaý quqyǵyna zańdy túrde ıe bolyp otyr. Almaty Open tek aýqymdy sporttyq is-shara bolyp qana qoımaı, sonymen qatar týrnır ótetin Almaty Arena aýmaǵyn dýmanǵa bólep, erekshe kóńil kúı men kúsh-qýat syılaıdy dep úmittenemiz», dep atap ótti Qazaqstan tennıs federasııasynyń prezıdenti.
ATP 250 jarysy – shynynda da álemniń 30 elinde ótetin aýqymdy sport oqıǵasynyń biri. Atalǵan sanatqa 40 týrnır kiredi, onda jeńgender ATP reıtıngisinde 250 upaıǵa ıe bolady. Aldaǵy Almaty Open ATP týrnıriniń júlde qory 1 mln dollardan asady.