AQSh pen Ulybrıtanııa Iemenniń soltústiginde bılik júrgizetin hýsıtterge qarsy áskerı operasııa bastady. Qos el basqarýshysy bul áreketterin kommersııalyq mańyzdy nysandy qorǵaý maqsatynda júrgizilip jatyr dep túsindirdi, dep jazady Egemen.kz RIA Novostıge silteme jasap.
Portaldyń málimetinshe, amerıka-brıtanııalyq áskerı operasııa Iemendegi Hodeıdo portyna baǵyttalǵan.
Odaqtastar budan bólek eldiń ár aımaǵyndaǵy 23 nysanǵa bomba arqyly áýeden shabýyl jasaǵan.
Onyń tórteýi el astanasy Sananyń áýe-bazasynda;
Hodeıda áýejaıyna 8 shabýyl;
Saad qalasyndaǵy áskerı bazaǵa 3 shabýyl;
Segiz shabýyl Taız qalasynyń Ál-Jand aýdanynda;
22-shi bombylaý mehanıkalandyrylǵan brıgada lagerine;
Ál-Haýban aýdanyndaǵy áýejaıǵa áýeden soqqy bergen.
Resmı Vashıngton men London hýsıt nysandaryn atqylaýǵa qatysty aqparatty rastady.
Olar bul soqqylar 9 qańtarda eldiń kommersııalyq kemelerine jasalǵan shabýylǵa jaýap dep ún qatty.
«Dushpandarymyz bizdiń eń mańyzdy kommersııalyq marshrýttarymyzdyń birinde qozǵalysqa qaýip tóndirdi. Bul soqqylar Amerıka Qurama Shtattary men odaqtastary bizdiń qyzmetkerlerge jasalǵan shabýyldarǵa jol bermeıtininen habar beredi. Sondaı-aq olar Qyzyl teńizdegi halyqaralyq teńiz kemelerine buryn-sońdy bolmaǵan shabýyldar jasady, sonyń ishinde tarıhta alǵash ret keme ballıstıkalyq zymyrandaryn paıdalanǵanyna tikeleı jaýap», dedi AQSh Prezıdenti Djo Baıden.
Ulybrıtanııa Premer-mınıstri Rıshı Sýnak ta osy mazmunda pikir bildirgen.
«Amerıka Qurama Shtattary, Nıderlandy, Kanada jáne Bahreınniń qoldaýymen biz hýsıtterdiń áskerı kúshin álsiretý jáne jahandyq keme qatynasyn qorǵaý úshin shekteýli, qajetti sharalar qabyldadyq», dedi Rıshı Sýnak.
Al «Ansar Alla» qozǵalysynyń (hýsıtter) ókilderi HAMAS-qa qoldaý kórsetý úshin aımaqtaǵy teńiz marshrýttaryna shabýyl jasaǵan. Hýsıtter Izraılmen baılanysty nemese Izraıl porttaryna bet alǵan kemelerge jasalatyn shabýyldy doǵarmaýǵa bekinip otyr.