Qazaqstan sportshylary parataekvondadan Fransııada ótetin Olımpıadanyń 3 lısenzııasyna qol jetkizdi, dep habarlaıdy Egemen.kz.
Mınıstrlikke qarasty Sport jáne dene shynyqtyrý komıtetiniń baspasóz qyzmetiniń málimdeýinshe, Paralımpıadanyń kvalıfıkasııalyq reglamentine sáıkes K44 sanatynda 80 kelige deıingi salmaq boıynsha parataekvondoshy Nurlan Dombaev, +80 keli salmaqta Nyshan О́miráli jáne -57 keli salmaǵyndaǵy Kámılıa Dosmalova bıyl Parıjde ótetin dúbirli dodanyń joldamasyna ıe bolǵan.
Sportshylarymyz álemdik reıtıngtiń kórsetkishine sáıkes, top 20 úzdik sportshylar qataryna engen.
Osy kúnge deıin Qazaqstan parasportshylarynda Parıj-2024 oıyndarynyń 5 lısenzııasy bar: parajeńil atletıka, parapaýerlıftıng, voleıboldy otyryp oınaý, parakanoe, parajúzý.
Eske salaıyk, 2020 jylǵy Tokıo Paralımpıadasynda Qazaqstan ulttyq quramasynan 25 sportshy 5 medal (1 altyn, 3 kúmis, 1 qola) jeńip alyp, jalpy esep boıynsha 48 oryndy ıelengen edi.
Aıta ketsek, Parıj shaharynda XXXIII jazǵy Olımpıada shildeniń 26-sy men tamyzdyń 11-i kúnderi aralyǵynda ótse, HVII Jazǵy Paralımpıada 28 tamyz - 8 qyrkúıek aralyǵynda ótedi.