Memleket jáne qoǵam qaıratkeri Zamanbek Nurqadilovtiń týǵanyna 80 jyl toldy. Osyǵan oraı Almaty qalasynda as berildi.
Qaıratkerdiń rýhyna baǵyshtalǵan quranǵa qatysýshylar Zamanbek Qalabaıulynyń elge sińirgen eńbegin aıtty. Prezıdent keńesshisi – Baspasóz hatshysy Berik Ýálı Memleket basshysy Qasym-Jomart Toqaevtyń hatyn oqydy.
«Bıyl belgili memleket jáne qoǵam qaıratkeri Zamanbek Nurqadilovtiń týǵanyna 80 jyl toldy. Táýelsiz Qazaqstan tarıhynda el múddesi úshin aıanbaı eńbek etken azamattar az emes. Zamanbek Qalabaıuly - osyndaı tuǵyrly tulǵalardyń biri. Ol egemendiktiń alǵashqy kezeńinde kóptegen jaýapty qyzmetti abyroımen atqardy. Memleketimizdi nyǵaıtýǵa aıryqsha atsalysyp, óńirlerdi órkendetýge zor úles qosqany daýsyz. Ult perzentteriniń esimin el jadynda jańǵyrtyp, eńbegine laıyqty baǵa berý - urpaq paryzy. Osy oraıda, Zákeńniń týǵan jeri - Almaty oblysynyń Kegen aýdanynda oǵan eskertkish ornatý jáne Almatydaǵy turǵan úıinde eskertkish-taqta ashý qajet dep sanaımyn. «Tarıh – tarazy» dep beker aıtylmaǵan. Halqymyzdyń kesek tulǵaly azamatynyń elge sińirgen eńbegi eshqashan umytylmaıdy», delingen Prezıdenttiń hatynda.