Senattyń Halyqaralyq qatynastar, qorǵanys jáne qaýipsizdik komıtetiniń depýtattary keńeıtilgen otyrysta elimizge ınvestısııa tartýǵa arnalǵan ahýaldy odan ári jaqsartýǵa baǵyttalǵan zańdardy talqylady.
Atap aıtqanda «Qazaqstan Respýblıkasynyń Úkimeti men Qatar Memleketiniń Úkimeti arasyndaǵy ınvestısııalardy ózara kótermeleý jáne qorǵaý týraly kelisimdi ratıfıkasııalaý týraly» zań ótemaqy tóleýdi qamtamasyz etý arqyly májbúrlep ıelikten shyǵarýdan qorǵaýdy, halyqaralyq tórelikke qol jetkizýdi, sondaı-aq elderdiń sheteldik ınvestısııaǵa ádil jáne teń qatynasyn qamtamasyz etedi. О́zara is-qımyl, tólemder men aýdarymdar tártibi aıqyndalady, taraptar men ınvestorlar arasyndaǵy daýlardy sheshýdiń shekteýleri men tártibi belgilenedi.
Sonymen qatar «Qazaqstan Respýblıkasynyń Úkimeti men Sıngapýr Respýblıkasynyń Úkimeti arasyndaǵy Investısııalardy kótermeleý jáne ózara qorǵaý týraly kelisimdi ratıfıkasııalaý týraly» kelisimge sáıkes árbir tarap ınvestısııanyń kelýine teń jaǵdaıdy, sondaı-aq halyqaralyq quqyqqa sáıkes tolyq qorǵaý men qaýipsizdikti qamtamasyz etedi.
Komıtet músheleri talqylaý nátıjesi boıynsha zańdy Palata otyrysynda qaraýǵa jiberý týraly sheshim qabyldady.