2023 jyly Qazaqstan aýmaǵynda 15 myńnan astam jol-kólik oqıǵasy tirkelgen. Kólik apaty kezinde 5 myń azamat qaza taýyp, 19 myńnan astam adam jaraqat alǵan. Ishki ister mınıstrligi el boıynsha Almaty qalasy, Almaty, Jambyl, Túrkistan jáne Qaraǵandy oblystarynda eń kóp jol-kólik oqıǵasy tirkeletinin málim etti, dep jazady Egemen.kz.
IIM mamandary taldaý kezinde Qazaqstanda bolatyn kólik apatyna basty sebep - júrgizýshilerdiń jol erejelerin saqtamaýy ekenin anyqtady.
Biz quzyrly organnan jol-kólik oqıǵasy kezinde júrgizýshi, kýáger, jolaýshy isteý kerek basty áreketter men mańyzdy jaıttardy surap bildik.
Jol-kólik oqıǵasy kezinde júrgizýshi nemese jolaýshy (kýáger) Respýblıka boıynsha biryńǵaı «102» nómirine habarlasyp, oqıǵa týraly tolyqtaı málimet berýi kerek.
«Jol júrisi qaǵıdalarynyń (Qazaqstan Respýblıkasy Ishki ister mınıstriniń 2023 jylǵy 30 maýsymdaǵy № 534 buıryǵy) 2-taraýyndaǵy, 9-tarmaǵynyń, 8-bóligine sáıkes jol-kólik oqıǵasy kezinde oǵan qatysy bar júrgizýshi:- kólik quralyn dereý toqtatýǵa (ornynan qozǵamaýǵa), avarııalyq jaryq sıgnalyn qosýǵa jáne avarııalyq toqtaý belgisin (janyp-sónetin qyzyl fonar) qoıýǵa, oqıǵaǵa qatysy bar zattardy qozǵamaýǵa;- zardap shekkenderge dárigerge deıingi medısınalyq kómek kórsetý úshin alǵashqy kómek kórsetýge, jedel medısınalyq járdem shaqyrýǵa, al shuǵyl jaǵdaılarda zardap shekkenderdi jol-jónekeı kólikpen jóneltýge, bul múmkin bolmasa, óziniń kólik quralymen jaqyn jerdegi emdeý mekemesine jetkizýge, óziniń tolyq aty-jóngin, tegin, kólik quralynyń memlekettik tirkeý nómiri belgisin habarlaýǵa (jeke basyn kýálandyratyn qujatty nemese júrgizýshi kýáligin jáne kólik quralyna berilgen tirkeý qujatyn kórsete otyryp) jáne oqıǵa bolǵan jerge qaıtyp kelýge;- bolǵan oqıǵa týraly jaqyn jerdegi ishki ister organyna dereý habarlaýǵa, ony kórgenderdiń aty-jóni men mekenjaılaryn jazyp alýǵa jáne ishki ister organdary qyzmetkerleriniń kelýin kútýge;- eger basqa kólik quraldarynyń júrýine kedergi bolsa joldyń júrý bóligin bosatýǵa;- joldyń júrý bóligin bosatý qajet bolǵan kezde oqıǵaǵa qatysy bar kólik quralynyń ornalasýyn, izder men zattardy kýálardyń qatysýymen aldyn ala belgilep, olardy saqtaýǵa barlyq sharalardy qoldanýǵa jáne oqıǵa bolǵan jerdi ózgelerdiń aınalyp ótýin qamtamasyz etýge mindetti», delingen IIM habarlamasynda.
Qazaqstanda osy jyldyń 1 qańtarynan bastap jol-kólik oqıǵasyn polısııanyń qatysýynsyz tirkeýge múmkinder beretin «Evroprotokol» (Europrotocol) qosymshasy qoldanylýǵa usynyldy. Kólik ıeleri bul qosymshany App store nemese Coogle Play arqyly telefonǵa júkteı alady. Jol-kólik oqıǵasyn (JKO) ońaılatylǵan tártippen retteýge múmkindik beretin qosymshany kólik apatynyń mynadaı jaǵdaılarynda qoldanýǵa bolady:
1)Jol-kólik oqıǵasyna qatsyýshy kólik sany 2-den aspaý kerek. 2-júrgizýshiniń de qoldanystaǵy saqtandyrý polısteri bolýy shart;2) Jeńil apat kezinde 1 ǵana kólik quralyna ǵana zııan keltirilse;3)JKO kezinde zııan keltirýdiń mán jaılary, kólik quralynyń zaqymdardyń ashyq kórinýi sıpaty men tizbesi, JKO qatysýshylarynyń biriniń kinási JKO qatysýshylarynda kelispeýshilikter týǵyzbaıdy jáne qosymshada barlyǵy tirkeledi.4)Jol-kólik oqıǵasyna túskender saqtandyrý somasynyń mólsheri sheginde tólemderge kelisedi (tólemniń shekti somasy -100 AEK);5)JKO týraly qujattar men málimetterdi rásimdeýdi qatysýshylar mobıldi qosymshany paıdalana otyryp deklarasııa jasaý arqyly júzege asyrady;6)Eger kórsetilgen sharttardyń biri saı kelmese nemese júrgizýshiler apattyń mán-jaıy týraly ýaǵdalasa almasa, olar polısııa qyzmetkerlerin shaqyrýǵa jáne jol-kólik oqıǵasyn belgilengen tártippen rásimdeýge mindetti.
«Evroprotokol» qosymshasyn paıdalanǵan júrgizýshi jol-kólik oqıǵasyn polısııa shaqyrmaı-aq sot sheshiminsiz jedel ári ońaı túrde saqtandyrý tólemin alady.