Vengrııanyń Debresen qalasynda ótken dástúrli týrnırden boksshylarymyz oljaly oraldy, dep habarlaıdy Egemen.kz Sports.kz-ke silteme jasap.
Erler quramasy Ishtvan Boshkaı atyndaǵy halyqaralyq týrnırden 5 altyn, 3 kúmis medal ıelendi. Fınaldyq jekpe-jekte segiz boksshymyz judyryqtasty. 48 kg salmaqta Ashat Júsipov ýkraın boksshysyn jeńse, 51 kıloda Danııal Sábıt majarlyq qarsylasynan basym tústi. 54 kılo salmaq dárejesinde Kenje Muratuly men 57 kıloda kúshin synaǵan Beıbarys Jeksen, 63,5 kıloda Ertýǵan Zaınýllınov ta vengr boksshysyn jeńip, halyqaralyq týrnırdiń chempıony atandy.
71 kg salmaqta synǵa túsken Sabyrjan Aqqalyqova ýkraın boksshysyna ese jiberip, kúmis medaldi mise tutty. 80 kıloda Erasyl Jápekov vengr boksshysyna jol berse, 86 kılo salmaqta Temirlan Muqataev ýkraın sportshysynan asa almaı kúmis júldeger atandy. Bul týrnırge ulttyq quramanyń ekinshi nómirli boksshysy bardy.