Bul týraly Aqordanyń baspasóz qyzmeti habarlady, dep jazady Egemen.kz.
«Memleket basshysynyń ókimimen Kúnsulý Daltonqyzy Zakarııa Qazaqstan Respýblıkasy Prezıdentiniń ǵylym jáne ınnovasııalar máseleleri jónindegi keńesshisi bolyp taǵaıyndaldy, ol burynǵy atqarǵan laýazymynan bosatyldy», delingen resmı habarlamada.
Eske salaıyq, Kúnsulý Daltonqyzy ál-Farabı atyndaǵy ǵylym jáne tehnıka salasyndaǵy Memlekettik syılyqtyń laýreaty, Jaratylystaný ǵylymdary akademııasynyń múshesi, Reseı Jaratylystaný akademııasynyń korrespondent-múshesi, SOVID-19 koronavırýs ınfeksııasyna qarsy QazCovid-in (QazVac) qazaqstandyq vaksınasyn ázirleýge qatysqan.
«Bıoqaýipsizdik jáne bıotehnologııa» ǵylymı jýrnalynyń bas redaktory. 200-den astam ǵylymı jarııalanymnyń, 8 ǵylymı-ádistemelik quraldyń, 5 monografııanyń, 29 ónertabysqa beriletin patenttiń, onyń ishinde 2 halyqaralyq patenttiń, profılaktıkalyq jáne dıagnostıkalyq preparattar óndirisi boıynsha 7 normatıvtik-tehnıkalyq qujattyń avtory.
2022 jyldyń 22 tamyzynan 2023 jyldyń sáýirine deıin «QazBioPharm» Ulttyq holdıngi» AQ bas dırektorynyń laýazymyn atqardy. Oǵan deıin QR DSM «Bıologııalyq qaýipsizdik problemasyn ǵylymı-zertteý ınstıtýty» RMK bas dırektory bolǵan edi.
Buǵan deıin Kúnsulý Zakarııa Prezıdent janyndaǵy Qazaqstan Respýblıkasynyń Ulttyq ǵylym akademııasynyń prezıdenti qyzmetin atqardy.